आबलोली (संदेश कदम) - संगमेश्वर तालुक्यातील जनता विद्यालय, आंगवली या विद्यालयातील शिक्षकेतर कर्मचारी रणजित रविंद्र पवार यांना नुकताच कामगार नेता नारायण मेघाजी लोखंडे राज्यस्तरीय सत्यशोधक गुणवंत कर्मचारी पुरस्कार – २०२५ हा प्रतिष्ठित सन्मान पुरस्कार मान्यवरांचे हस्ते देऊन सन्मानित करण्यात आले आहे. हा पुरस्कार राष्ट्रीय मूलनिवासी बहुजन कर्मचारी संघ (RMBKS) तर्फे आयोजित सातवे महाराष्ट्र राज्य अधिवेशन २०२५ या भव्यदिव्य कार्यक्रमात क्रांतीज्योती सावित्रीबाई फुले सभागृह, गंजपेठ, पुणे येथे प्रदान करण्यात आला. रणजित पवार यांनी शिक्षकेतर सेवेत प्रामाणिकपणे, शिस्तबद्धतेने व जबाबदारीने कार्य करून संस्थेचा, तालुक्याचा आणि जिल्ह्याचा गौरव वाढविला आहे. त्यांच्या कार्यतत्परतेची, सामाजिक जाणिवेची आणि निष्ठेची दखल घेऊन हा सन्मान जाहीर करण्यात आला असल्याचे आयोजकांनी सांगितले. या यशाबद्दल रणजित पवार म्हणाले की, “हा पुरस्कार माझ्या आई, गुरूजनांना, सहकाऱ्यांना व संस्थेला समर्पित आहे. हे यश मला समाजासाठी अधिक कार्य करण्याची प्रेरणा देते.” या सन्मानामुळे रत्नागिरी जिल्ह्याचा आणि संगमेश्वर तालुक्याचा अभिमान अधिक वाढला आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.