खेड (प्रतिनिधी) - ज्ञानदीप शिक्षण प्रसारक मंडळ, खेड संचलित ज्ञानदीप विद्यामंदिर भडगाव यांच्यामार्फत घेण्यात आलेल्या तालुकास्तरीय गणित प्रतिकृती निर्मिती व प्रदर्शन स्पर्धात्मक उपक्रमात रोटरी इंग्लिश मिडिअम स्कूल खेडच्या विद्यार्थ्यांनी तृतीय क्रमांक पटकावून यश संपादीत केले. सदर तालुकास्तरीय गणित प्रतिकृती निर्मिती व प्रदर्शन स्पर्धात्मक उपक्रमात अनेक स्पर्धकांनी सहभाग नोंदविला होता. यामध्ये रोटरी स्कूलच्या इ. 8 वी तील हर्षित संदिप कोहपरे व आयुष अशोक मळेकर या विद्यार्थ्यांनी आपला सहभाग नोंदविला.
या विद्यार्थ्यांनी ’त्रिकोणमीतीय गुणोत्तर’ हे प्रात्यक्षिक सादर केले. विद्यार्थ्यांनी तयार केलेले हे माॅडेल त्रिकोणमीतीय गुणोत्तरांचे स्पष्टीकरण देण्यासाठी बनवले आहे. यामध्ये इलेक्ट्रिक सर्किटचा वापर करण्यात आला आहे. रोटरी स्कूलच्या विद्यार्थ्यांनी आपल्या प्रात्यक्षिकाचे उत्तम सादरीकरण करून तृतीय क्रमांकाला गवसणी घातली. विद्यार्थ्यांनी मिळवलेल्या यशामुळे त्यांना उपस्थित मान्यवरांच्या शुभहस्ते सन्माचिन्ह व प्रमाणपत्र देऊन गौरविण्यात आले. विद्यार्थ्यांच्या या यशामुळे त्यांच्यावर सर्वच स्तरातून कौतुकाचा वर्षाव होत आहे.
तालुकास्तरीय गणित प्रतिकृती निर्मिती व प्रदर्शन स्पर्धात्मक उपक्रमात सहभागी झालेल्या सर्व विद्यार्थ्यांना प्रशालेतील गणित विषय शिक्षकांनी मोलाचे मार्गदर्शन केले. संस्थेचे चेअरमन बिपीनदादा पाटणे, सर्व पदाधिकारी, शाळेच्या मुख्याध्यापिका भूमिता पटेल, सर्व शिक्षक व शिक्षकेतर कर्मचारी यांनी यशस्वी विद्यार्थ्यांचे कौतुक करून त्यांना पुढील वाटचालीस शुभेच्छा दिल्या.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.