सब ज्युनिअर राज्यस्तरीय तायक्वांडो स्पर्धेत अस्मि साळुंखेची चमकदार कामगिरी

2025-12-28 00:00:00

टाइम्स स्पेशल

तायक्वांडो फेडरेशन ऑफ इंडियाच्या मान्यतेने व तायक्वांडो असोसिएशन ऑफ महाराष्ट्रच्या वतीने आयोजित सब ज्युनिअर अजिंक्यपद राज्यस्तरीय तायक्वांडो स्पर्धा दि. २६ ते २८ डिसेंबर या कालावधीत वासुदेव हॉल, उद्यमनगर, आर.एस.एन. हॉटेलच्या मागे, मुंबई–गोवा हायवे, कुडाळ, जि. सिंधुदुर्ग येथे यशस्वीरित्या पार पडली. या स्पर्धेत महाराष्ट्रातील विविध जिल्ह्यांमधून सुमारे ६०० खेळाडूंनी सहभाग नोंदवला होता. या अत्यंत चुरशीच्या स्पर्धेत रत्नागिरी तालुक्यातील युवा मार्शल आर्ट तायक्वांडो ट्रेनिंग सेंटर, साळवी स्टॉप येथे प्रशिक्षण घेणारी व पोद्दार इंटरनॅशनल स्कूलमध्ये शिक्षण घेत असलेली अस्मि तुषार साळुंखे हिने उल्लेखनीय यश संपादन केले.

https://ratnagiritimes.in//assets/images/2020/add/2020/sky22.jpg

अस्मि हिने तायक्वांडो फाईट प्रकारात रौप्य पदक, फ्री स्टाईल सिंगल प्रकारात सुवर्ण पदक, पूमसे ग्रुप प्रकारात रौप्य पदक तसेच आणखी एका प्रकारात कास्य पदक मिळवत एकूण एक सुवर्ण, दोन रौप्य व एक कास्य अशी चार पदके आपल्या नावावर केली. या राज्यस्तरीय स्पर्धेसाठी शशीरेखा कररा यांनी प्रशिक्षक म्हणून जबाबदारी सांभाळली. तसेच अस्मिला प्रशिक्षक राम कररा यांचे मोलाचे मार्गदर्शन लाभले. आई-वडिलांच्या सततच्या प्रोत्साहनामुळेच अस्मि हे घवघवीत यश संपादन करू शकली, असे मत क्रीडाप्रेमींनी व्यक्त केले. अस्मिच्या या यशाबद्दल सर्व स्तरातून तिच्यावर अभिनंदनाचा वर्षाव होत आहे.