.jpg)
1.jpg)
पेण : आगरी, कोळी, कराडी बांधवांची कुलदेवता असलेल्या कार्लाच्या एकवीरा देवीची यात्रा शुक्रवारपासून सुरू होत आहे. यानिमित्त रायगड जिल्ह्यातून हजारो भाविक कार्लागडावर पालख्या, दिंड्या घेऊन वाजत-गाजत रवाना झाले आहेत. दि.4 व दि.5 रोजी यात्रेचा मुख्य दिवस असणार आहे. यामुळे गुरूवारी सकाळीही हजारो भाविक कार्लागडावर रवाना होतील, आणि आई एकवीरेचे दर्शन घेतील. कार्लागडावरील एकवीरेच्या यात्रेनंतर पाच-सहा दिवसांनी पेण तालुक्यातील गावांमधील यात्रोत्सवांना सुरुवात होणार आहे. ग्रामस्थांकडून यात्रांची तयारी सुरू असतानाच दोन दिवसांपासून ढगाळ वातावरण, तर काही ठिकाणी पावसाचा शिडकावा झाल्याने भाविकांचा हिरमोड झाला आहे.
श्री एकविरा देवी चैत्री उत्सव 2025 पार्श्वभूमीवर कायदा व सुव्यवस्था राखण्याच्यादृष्टीने मावळचे जिल्हाधिकारी तथा जिल्हादंडाधिकारी जितेंद्र डुडी यांनी यांनी 30 मार्च रोजी मध्यरात्री 12 वाजल्यापासून ते 6 एप्रिल रोजी रात्री 12 वाजेपर्यंत भारतीय नागरिक सुरक्षा संहिता-2023 मधील कलम 163 अन्वये प्रतिबंधात्मक आदेश जारी केले आहेत. या आदेशान्वये वरील कालावधीत शोभेची दारु, फटाके गडावर नेणे, गडावर फटाके, वाद्ये, ढोल, ताशे, वाजविण्यास व गडावर नेण्यास बंदी करण्यात आली आहे.
एकाच प्रकारची व रंगाची कपडे, वेशभूषा परिधान करणे, विशेषत: टी शर्ट वापरणे, कोंबडे, बकरे, पशु, पक्षी यांचा बळी देणे व त्यांना मंदिरावर सोडणे, कार्ला लेणी व परिसरातील ऐतिहासिक वास्तु व शिल्पांना हानी पोहचविणे अथवा विद्रुपीकरण करणे यास प्रतिबंध करण्यात आला आहे. आदेशाचे उल्लंघन केल्यास संबंधित व्यक्ती भारतीय दंड विधान संहिता कलम 188 मधील तरतुदी व प्रचलित कायद्याप्रमाणे शिक्षेस पात्र राहील, असेही आदेशात नमूद करण्यात आले आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.