दापोली (प्रतिनिधी) -: आंजर्ले येथील कडयावरचा गणपती हे देवस्थान सुप्रसिद्ध असे देवस्थान आहे. अंगारकी चतुर्थी असेल अथवा संकष्टी चतुर्थीला येथे श्रींच्या दर्शनासाठी मोठी गर्दी होत असते . तसे यावेळी दिवाळीच्या सुट्टीत पर्यटक मोठ्या संख्येने दापोलीत पर्यटनासाठी आले होते त्यांनी येथे देव दर्शनासाठी मोठी गर्दी केली. कड्यावरचा गणपती मंदिर देवस्थानचे अध्यक्ष सुरेश म्हादलेकर यांच्या मार्गदर्शनाखाली व्यवस्थापक मंडळ तसेच कर्मचाऱ्यांनी उत्तम व्यवस्था ठेवल्याने येथे आलेल्या प्रत्येक भाविक भक्तांना व्यवस्थित दर्शन घेता आले.
दापोली हे उत्तर कोकणातील महाबळेश्वर, अर्थात थंड हवेचे ठिकाण म्हणून ओळखले जाते. आंजर्ले या गावाचे मूळ नाव अजरालय असे होते. सध्या आंजर्ले हे नाव प्रचलित झाले आहे. त्याच आंजर्ल्यात एका टेकडीवर श्री गजानन विराजमान आहेत. त्याला सारे जण कडयावरचा गणपती असे म्हणतात. या कडयावरच्या गणपतीची आख्यायिका अशी सांगितली जाते की, आंजर्ले येथील समुद्रकिनारा अवाढव्य व विस्तिर्ण होता. किनाच्यावर दोन मंदिरे होती. एक श्री सिद्धिविनायकाचे आणि दूसरे आंजर्लेश्वर म्हणजे शंभू महादेवाचे, कालांतराने समुद्राची वाढ झाली तशी मंदिरे पाण्याखाली जाऊ लागली .मंदिरे समुद्रात जाताच श्री सिद्धिविनायकाने किनाऱ्यासमोरच्या कडयावर जाऊन मुक्काम केला, एका कातळावर उमटलेले पाऊल हे श्री सिद्धिविनायकाचे असून समुद्रातून वर येताना हे पाऊल उमटलेले आहे, असा श्री गणेशभक्तांचा विश्वास आहे. त्यानंतर एका गणेशभक्ताने श्री सिद्धिविनायकाची स्थापना कड्यावर केली. गणपती मंदिराचा इतिहास बाराव्या शतकापर्यंत मागे जात असल्याचे नमूद करण्यात आले आहे. मंदिरातील श्री गणेशाच्या मूर्तीचे वर्णन शब्दांत करणे तसे कठीणच जाते. श्रीं चे दर्शन घेतल्यानंतर लाभणारी प्रसन्नता आणि शांती या दोन्ही गोष्टी केवळ अनुभवावयच्याच आहेत. गाभाऱ्यातील श्रीच्या मूर्तीवर विलक्षण तेज आढळते. पाच फूट उंचीची व उजव्या सोंडेची ही सिंहासनाधिष्ठित मूर्ती असून बेसॉल्ट पाषाणापासून तिची निर्मिती झाली आहे. मूर्ती पूर्वाभिमुख असून शेजारील रिद्धि सिद्धिच्या मूर्ती सुमारे एक फूट उंचीच्या आहेत. हे मंदीर टेकडीवर असल्याकारणाने आपण दर्शनासाठी टेकडीवर येताच ते आपल्या दृष्टीस पडते. श्रीसिद्धिविनायकाचे मंदिर अर्थात कड्यावरचा गणपती अनेक भक्तांचे श्रद्धास्थान. असलेले सभामंडपातून गाभाऱ्याकडे जात असताना श्रींचे रूप विस्तीर्ण होत जाते. मस्तक झुकवून गाभाऱ्यात शिरायचे आणि नजरेत सामावणारे श्रींचे रूप पाहताच झुकलेले मस्तक अधिकच झुकून जाते.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.