रत्नागिरी अप्पर पोलीस अधीक्षक बाबुराव महामुनी यांची गुहागर पोलीस ठाण्याला भेट

2025-11-16 00:00:00

टाइम्स स्पेशल

वरवेली (गणेश किर्वे) - गुहागर पोलीस ठाणे वार्षिक निरीक्षण तपासणी अनुषंगाने रत्नागिरीचे अप्पर पोलीस अधीक्षक बाबुराव महामुनी यांनी गुहागर पोलीस ठाणेस भेट देऊन परेड निरीक्षण तसेच दप्तर तपासणी घेण्यात आली. यावेळी उपविभागीय पोलीस अधिकारी प्रकाश बेले, गुहागर पोलीस ठाण्याचे पोलीस निरीक्षक सचिन सावंत उपस्थित होते. त्यानंतर स्थानिक स्वराज्य संस्था निवडणूक अनुषंगाने ज्ञानरश्मी वाचनालय गुहागर येथील सभागृहामध्ये तालुक्यातील सर्व पोलीस पाटील, गुहागर तालुका सामाजिक सलोखा समिती सदस्य, तालुक्यातील जेष्ठ नागरिक यांची संयुक्त सभा घेऊन गुहागर पोलीस ठाणे हद्दीत कायदा सुव्यवस्था निर्माण होणार नाही, सामाजिक सलोखा शांतता अबाधित राहील याबाबत मार्गदर्शन केले.

https://ratnagiritimes.in//assets/images/2020/add/2020/sky22.jpg

यावेळी सामाजिक सलोखा समिती गुहागर चे सदस्य व शृंगारतळी येथील ज्येष्ठ नागरिक साबीरभाई साल्हे यांनी सामाजिक सलोखा राखण्यासाठी वेळोवेळी प्रयत्न केल्याने व सर्व समाजामध्ये एकता नांदावी याप्रकारे काम केल्याने त्यांना रत्नागिरीचे अप्पर पोलीस अधीक्षक बाबुराव महामुनी यांचे हस्ते मोमेंटो, शाल श्रीफळ देऊन गौरविण्यात आले. त्याचप्रमाणे शृंगारतळी येथील रुग्णवाहिका चालक, रात्री अपरात्री केव्हाही अपघात घडला किंवा अन्य आपत्कालीन घटना घडल्यास तात्काळ त्या ठिकाणी पोहोचून जखमी व्यक्तीला वेळेत उपचार मिळण्याकरिता प्रामाणिकपणे प्रयत्न करणारे रहीम मेमन यांनाही मोमेंटो, शाल, श्रीफळ देऊन गौरविण्यात आले. यावेळी अप्पर पोलीस अधीक्षक बाबुराव महामुनी यांनी गुहागर पोलीस ठाण्याच्या कामकाजाबाबत समाधान व्यक्त करून चांगल्या कामगिरी बाबत अधिकारी व अंमलदारांचे कौतुक केले. व यापुढेही गुहागर पोलिसांकडून उत्तम कामगिरी व्हावी याकरता शुभेच्छा देण्यात आल्या.