शेतकऱ्यांना मार्गदर्शन कार्यक्रम – चिखलगाव येथे यशस्वी आयोजन

2025-11-15 00:00:00

टाइम्स स्पेशल

दापोली (प्रतिनिधी) - डॉ. बाळासाहेब सावंत कोकण कृषी विद्यापीठ, दापोली येथील कृषि महाविद्यालय, दापोली येथील विद्यार्थिनींनी ‘ग्रामीण जनजागृती कार्यानुभव (RAWE)’ कार्यक्रमाअंतर्गत चिखलगाव येथील हायस्कूल, चिखलगाव येथे शेतकऱ्यांना मार्गदर्शन कार्यक्रम आयोजित केला. या कार्यक्रमाचे आयोजन “कृषि नित्या” आणि “सह्याद्री” या गटांच्या वतीने करण्यात आले. कार्यक्रमाची सुरुवात सरस्वती पूजन व दीपप्रज्वलनाने करण्यात आली. उपस्थित मान्यवरांचे स्वागत रावेच्या विद्यार्थिनींनी रानफुलांपासून बनवलेल्या पुष्पगुच्छांनी केले. कार्यक्रमाच्या प्रारंभी विद्यार्थिनी काजल मोहिते आणि श्यामली दिघे यांनी आपले मनोगत व्यक्त केले.

https://ratnagiritimes.in//assets/images/2020/add/2020/sky22.jpg

त्यांनी रावे कार्यक्रमादरम्यान शेतकऱ्यांशी झालेला संवाद, मिळालेले ज्ञान आणि प्रत्यक्ष शेतीतील अनुभव सांगत ग्रामीण जनजागृतीचे महत्त्व अधोरेखित केले. यानंतर राजेश शिगवण आणि संतोष शिगवण यांनी विद्यार्थिनींचे कौतुक करत त्यांच्या कार्याचे अभिनंदन केले व आपल्या मनोगतातून मार्गदर्शन आणि शिक्षण या दोन्हींचा समतोल राखण्याचे महत्त्व स्पष्ट केले.त्यानंतर उपस्थित प्राध्यापकांनी शेतकऱ्यांना विविध कृषी विषयांवर मार्गदर्शन केले. आमंत्रणात नमूद मान्यवरांपैकी डॉ. रणजित महाडिक (विभाग प्रमुख, कृषि विस्तार विभाग), डॉ. मंदार पुरी (रावे कार्यक्रम अधिकारी), आणि डॉ. प्रविण झगडे (रावे कार्यक्रम अधिकारी) यांनी पीक व्यवस्थापन, कीड व रोगनियंत्रण, मृदा आरोग्य, सेंद्रिय शेती, पाणी व्यवस्थापन आणि शेतीतील नव्या तंत्रज्ञानाचे महत्त्व या विषयांवर सविस्तर माहिती दिली.

टाईम्स स्पेशल

शेतकऱ्यांनी उत्साहाने सहभाग घेत शंका विचारल्या आणि प्राध्यापकांनी त्यांचे निरसन करत उपयुक्त मार्गदर्शन केले. शेतकऱ्यांनी या कार्यक्रमाबद्दल समाधान व्यक्त करत विद्यार्थिनींच्या उपक्रमाचे कौतुक केले. कार्यक्रमाच्या शेवटी विद्यार्थिनींना ग्रामपंचायतीतर्फे प्रमाणपत्रे प्रदान करण्यात आली.