ठाणे (प्रतिनिधी) : मित्राने दुचाकी चालविण्यास दिली नाही म्हणून ठाण्यात कोपरी येथे मैदानात उभी असलेली नऊ वाहने एका तरुणाने पेटवून दिल्याचा प्रकार सोमवारी उघडकीस आला आहे. याप्रकरणी कोपरी पोलीस ठाण्यात रविंद्र परिहार (३०) या तरुणाविरोधात गुन्हा दाखल झाला असून पोलिसांनी त्याला ताब्यात घेतले आहे. ठाण्यात कोपरीत गांधीनगर भागातील एका मोकळ्या मैदानात सोमवारी पहाटे ४ वाजताच्या सुमारास अचानक वाहनांनी पेट घेतला. घटनेची माहिती कोपरी पोलीस, ठाणे महापालिकेच्या आपत्ती व्यवस्थापन आणि अग्निशमन दलाला मिळाल्यानंतर पथके घटनास्थळी दाखल झाले.
याप्रकरणाचा सखोल तपास सुरु असल्याची माहिती कोपरी पोलिसांनी दिली. घटनास्थळी अग्निशमन दलाच्या जवानांनी वाहनांना लागलेली आग नियंत्रणात आणली. परंतु वाहने जळून जवळपास खाक झाली होती. ही आग लावण्यात आल्याचा आरोप झाल्यानंतर पोलिसांनी सीसीटीव्ही तसेच खबऱ्यांमार्फत संशयित आरोपीचा शोध सुरु केला. त्यावेळी कोपरी येथे राहणाऱ्या रविंद्र परिहार याचे नाव उघड झाले.पोलिसांनी त्याला ताब्यात घेतले असता, त्याने कृत्याची कबूली दिली. या प्रकरणाचा पोलिस पुढील तपास करीत आहेत.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.