संगलट( खेड)( प्रतिनिधी) - नवी मुंबईतील नागरिकांना अमेरिकन डॉलर कमी दरात देण्याचे आमिष दाखवून फसवणूक करणाऱ्या झारखंडस्थित टोळीचा पर्दाफाश रबाळे पोलिसांनी केला आहे. या टोळीने घनसोलीतील एका तरुणाकडून तब्बल ₹३ लाख घेऊन डॉलर न देता फसवणूक केली होती. तक्रारीनंतर पोलिसांनी अत्यंत कौशल्यपूर्ण तपास करून सहाही आरोपींना अटक केली असून या कारवाईत तीन फसवणूक प्रकरणांची उकल झाली आहे.
या प्रकरणी मोहमद राहुल लुकमान शेख उर्फ रफीक, आलमगीर आलम सुखखू शेख, खोसमुद्दीन मोहम्मद शेख उर्फ येलीम, रिंकू अबुताहीर शेख, रोहीम बकसर शेख आणि अजीजुर रहमान सादिक शेख (सर्व रा. मुंब्रा, ठाणे) यांना अटक करण्यात आली आहे. आरोपी झारखंडस्थित टोळीशी संबंधित असून त्यांनी नवी मुंबईसह राज्यातील इतर भागातही अशा प्रकारच्या फसवणुका केल्याचे पोलिस तपासात समोर आले आहे.
या कारवाईत सहा. पो. नि. दिपक खरात यांच्या नेतृत्वाखालील गुन्हे प्रकटीकरण पथकाने तांत्रिक तपास, गुप्त माहिती आणि CCTV पुराव्यांच्या आधारे आरोपींना अटक केली. "नागरिकांनी अशा चलनविषयक प्रलोभनांना बळी न पडता अधिकृत मार्गाचा वापर करावा," असा इशारा वरिष्ठ पोलीस निरीक्षक बाळकृष्ण सावंत यांनी दिला. या कारवाईतून रबाळे पोलिसांनी आंतरराज्य फसवणूक टोळींवर प्रभावी कारवाई करण्याची आपली क्षमता पुन्हा सिद्ध केली आहे
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.