मालवण (प्रतिनिधी) - मालवणच्या समुद्रातील किल्ले सिंधुदुर्ग नजीकच्या खडकाळ भागात आज सकाळी भलामोठा शार्क माशाचा कुजलेल्या अवस्थेतील सांगाडा अडकला असल्याचे दिसून आले. मात्र समुद्र खवळलेला असल्याने संबंधित यंत्रणेला तेथपर्यंत पोचणे कठीण बनले आहे.
समुद्रातील वादळ सदृश परिस्थितीमुळे गेले काही दिवस किनारपट्टी भागात मुसळधार पाऊस कोसळत आहे. काल रात्री मुसळधार पाऊस कोसळला. समुद्राला आलेल्या उधाणात मध्यरात्री किल्ले सिंधुदुर्ग लगतच्या खडकाळ भागात एक भलामोठा कुजलेल्या अवस्थेतील शार्क माशाचा सांगाडा अडकला. आज सकाळी किल्ल्यातील स्थानिक रहिवासी व किल्ले सिंधुदुर्ग प्रवासी होडी वाहतूक संघटनेचे अध्यक्ष मंगेश सावंत यांना हा माशाचा सांगाडा दिसून आला. सुमारे १५ ते १७ फूट लांबीचा हा मासा असून तो पूर्णतः कुजला आहे. माशाचा तोंडाचा भाग अस्तित्वात नाही तर अन्य भागाचा सांगाडा व मांस असल्याचे दिसून येत आहे. सध्या समुद्र खवळलेला आहे. त्यामुळे या माशाची विल्हेवाट लावण्यास संबंधित यंत्रणा तेथपर्यंत पोचणे कठीण आहे. समुद्राला पुन्हा उधाण आल्यास हा सांगाडा पुन्हा समुद्रात वाहून जाण्याची शक्यताही श्री. सावंत यांनी वर्तविली आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.