रत्नागिरी, ३० ऑक्टोबर (वार्ताहर) ः रत्नागिरी जिल्हा कबड्डी असोसिएशनच्या संलग्न असलेल्या रत्नागिरी तालुका हौशी कबड्डी असोसिएशनच्यावतीने रत्नागिरी जिल्हा कबड्डी कुमार, कुमारी गटाची अजिंक्य स्पर्धा लवकरच होणार असून या स्पर्धेसाठी निवड चाचणी स्पर्धा दि. २ नोव्हेंबर रोजी आयोजित करण्यात आली आहे. ही निवड चाचणी गोगटे-जोगळेकर महाविद्यालय रत्नागिरी येथे होईल.
रत्नागिरी तालुका कुमार, कुमारी गटाच्या निवड चाचणीसाठी विविध कागदपत्रे व जन्मतारखेची अट पूर्ण करणे बंधनकारक आहे. ७५ किलो वजन गटामध्ये २० वर्षाखालील कुमार गटाच्या स्पर्धेसाठी १८/०१/२००६ व त्यानंतर जन्मलेले खेळाडू असावेत. तर ६५ किलो वजन गटाच्या २० वर्षाखालील कुमारी गटामध्ये २९/१२/२००५ व त्यानंतर जन्मलेले खेळाडू असावेत. तालुका निवड चाचणीसाठी खेळाडूंनी जन्म दाखला, आधार कार्ड, रत्नागिरी जिल्हा कबड्डी असोसिएशनमधील खेळाडू नोंदणी ओळखपत्र इत्यादी कागदपत्रे सादर करणे बंधनकारक आहे. रविवारी २ नोव्हेंबर रोजी होणार्‍या निवड चाचणीसाठी तालुक्यातील सर्व कबड्डी पंचांनी व रत्नागिरी तालुका हौशी कबड्डी असोसिएशनच्या सर्व पदाधिकार्‍यांनी उपस्थित रहावे असे आवाहन कार्यवाह अरूण पवार यांनी केले आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.