रत्नागिरी (रत्नागिरी टाइम्स डेस्क) - रत्नागिरी शहर व जिल्ह्यात मध्यरात्रीपासून ढगफुटी सदृश्य पाऊस कोसळत असून दैनंदिन जीवनमान ठप्प झाले आहे. मोठ्या चक्रीवादळाने कोकणच्या भातशेती व नाचणी पिकाचे प्रचंड नुकसान केले आहे. पावसामुळे पिकलेली भातशेती शेतातच जमीनीला बिलगली आहे. त्यामुळे पुन्हा भाताचे दाणे रुजून येण्याची शक्यता बळावली आहे. मराठवाडा विदर्भात महापूराने येथील शेती उध्वस्त केली आणि वादळी पावसाने कोकणची शेती उध्वस्त केली आहे. रत्नागिरी, सिंधुदुर्ग, रायगड या जिल्ह्यात भातशेतीचे प्रचंड नुकसान झाले आहे. शेतीचे पंचनामे करण्याचे आदेश शासन स्तरावर देण्यात आले आहेत.
गेल्या १५ दिवसांपासून मासेमारी व्यवसाय ठप्प झाला आहे. त्याचा बाजारपेठेवर परिणाम झाल्याचे दिसून येते. हजारों लोकांना रोजगार देणारा मत्स्य व्यवसाय ठप्प झाल्याने सर्वसामान्य जनतेची आर्थिक कोंडी झाली आहे. शेतकरी व मच्छीमार या दोघांनाही शासनपातळीवर तातडीने आर्थिक मदतीची गरज व्यक्त केली जात आहे. दैनंदिन जीवन विस्कळीत झाले असून लोक घरातच थांबले आहेत. या वादळी पावसाचा बाजारपेठेवर परिणाम झाला आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.