खेड (प्रतिनिधी )- मुंबई-गोवा महामार्गावरील नातूनगर बस थांब्यानजीक उभ्या गॅस टँकरला मागून धडक देत झालेल्या भीषण अपघातात गंभीर जखमी झालेल्या अब्दुल अजीज इम्रान जसनाईक (३, रा. भोस्ते-जसनाईक-मोहल्ला) या चिमुरड्याचाही शनिवारी उपचारादरम्यान मुंबईतील अपोलो रुग्णालयात मृत्यू झाला. या अपघातात माय-लेकांना जीव गमवावा लागल्याने हळहळ व्यक्त करण्यात येत आहे. चालंक इम्रान मुरादअली जसनाईक (४५, रा. भोस्ते-जसनाईक मोहल्ला) हे झायलो कारने (एमएच०८/झेड ३६९२) कुटुंबियांना घेऊन मुंबई येथून खेडच्या दिशेने येत होता. ते नातूनगर येथे उभ्या असलेल्या एलपीजी गॅस टँकरवर मागून आदळले. या अपघातात गंभीर जखमी झालेली पत्नी मदिहा यांचा उपचारासाठी नेत असतानाच वाटेतच मृत्यू झाला.
या अपघातात अब्दुल अजीज इम्रान जसनाईक, सबिया मारुख जसनाईक (३३), सेहरा मारूख जसनाईक (७) व चालक इम्रान मुरादअली जसनाईक (४५) हे जखमी झाले होते. यातील अब्दुल जसनाईक या चिमुरड्याची प्रकृती गंभीर होती. मुंबईतील अपोलो रुग्णालयात तो मृत्यूशी झुंज देत होता. अखेर त्याची प्राणज्योत मालवली. या अपघातप्रकरणी चालक इम्रान जसनाईक याच्यावर गुन्हा दाखल झाला आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.