देवळे (प्रकाश चाळके) - संगमेश्वर तालुक्यातील देवळे चाफवली परिसराला ढगांच्या गडगडाटासह पाऊस-वार्याने पुन्हा झोडपले. यामुळे आंबा काजूचे फार मोठे नुकसान झाले आहे. बर्याच ठिकाणी मोठी पडझड झाली आहे. पाऊस अचानक आल्याने शेतकर्यांची फार मोठी धांदल उडाली. देवळे चाफवली परिसरातील शेतकर्यांनी काल पडलेल्या पावसाच्या भीतीने आंबा काढण्याची लगबग करायला सुरुवात केली होती. परंतु पावसाने पुन्हा हजेरी लावल्याने धांदल उडाली. या परिसरात मे महिन्याच्या दरम्यान आंबा-काजू पिक जोरदार येते. त्यामुळे आंबा काजूचे वादळी वार्यामुळे उरले सुरले पिकाचेही फार मोठे नुकसान झाले असून शेतकरी हवालदिल झाला आहे.
गुरुवारी पडलेल्या पावसाच्या तुलनेने काल पडलेला पावसाचे प्रमाण फार मोठे असल्याने शेतकर्यांचे फार मोठे नुकसान झाले आहे. हाता तोंडाशी आलेला आंबा वार्याने पडला तर उरलेला झाडावर असलेला आंबा पावसामुळे खराब होण्याची भीती व्यक्त करण्यात येत आहे. लग्नसराईच्या हंगामात या अवकाळी पावसामुळे विद्युत पुरवठा खंडित झाल्याने अनेकांचा हिरमोड देखील झाला.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.