कसबा येथे धर्मवीर छत्रपती संभाजीराजे बलिदानदिन निमित्त संभाजी प्रेमींकडून वंदन

2026-03-11 00:00:00

टाइम्स स्पेशल

संगमेश्वर (प्रतिनिधी) - धर्मरक्षक छत्रपती संभाजी राजे समिती कसबा संगमेश्वरच्या वतीने कसबा येथे राजे संभाजी यांच्या बलिदान दिनानिमित्त संभाजी प्रेमी राजांच्या प्रतिमेसमोर नतमस्तक झाले. प्रति वर्षी कसबा संगमेश्वर येथे धर्मरक्षक छत्रपती संभाजी राजे धर्मरक्षण दिन समिती कसबा आणि भाजपाच्या वतीने बलिदान दिनानिमित्त महाराजांच्या प्रतिमेला पुष्पहार अर्पण करून वंदन करण्यात येते. सकाळी साडे दहाच्या सुमारास छत्रपती संभाजी प्रेमी आणि धर्मरक्षण दिन समिती कसबा संगमेश्वरच्या वतीने भाजपचे नूतन जिल्हाध्यक्ष प्रशांत यादव यांच्या छत्रपती संभाजी राजे यांच्या प्रतिमेवर अभिषेक, पुजा करणेत आली. भाजपचे माजी आमदार प्रमोद जठार यांच्या हस्ते धर्मवीर छत्रपती संभाजीराजे यांच्या पूर्णाकृती प्रतिमेला पुष्पहार अर्पण करण्यात आला.

https://ratnagiritimes.in//assets/images/2020/add/2020/sky22.jpg

यावेळी छत्रपती संभाजी महाराज की जय, छत्रपती शिवाजी महाराज की जय, जय भवानी, वंदे मातरम आदी घोषणानी परिसर दणाणून गेला. यानंतर समितीच्या वतीने आणि छत्रपती संभाजी प्रेमी आणि ग्रामस्थ यांनी महाआरती केली. यावेळी संभाजी प्रेमिना संबोधित करताना माजी आम. प्रमोद जठार यांनी राज्य शासनाचे आभार मानून कसबा या ठिकाणी छत्रपती संभाजी राजे यांचे स्मारक हे गुजरात येथील सरदार वल्लभभाई पटेल यांच्या स्मारकच्या तोडीस तोड असे जगातील सर्वोत्कृष्ट त्यागाचे प्रतीक असे स्मारक उभारावे अशी मागणी शासनाकडे केली आहे. नुकत्याच झालेल्या अर्थसंकल्पीय अधिवेशनामध्ये या स्मारका साठी ३०० कोटी रुपयांच्या निधीची तरतूद केली असल्याचे जाहिर केले.