.jpg)
ठाणे (प्रतिनिधी) - येऊर परिसरात संजय गांधी राष्ट्रीय उद्यानाच्या आज एक अत्यंत धक्कादायक घटना उघडकीस आली आहे, जिथे एका माकडाला स्टीलच्या बाणाने मारण्यात आले आहे . बाणाच्या स्वरूपामुळे हे स्पष्ट होते की, ते व्यावसायिक धनुर्विद्या उपकरणांचा वापर करून व्यावसायिक तिरंदाजाने चालवला असावा . यामुळे या संरक्षित वनक्षेत्रात किंवा त्याच्या आसपास कार्यरत असलेल्या बेकायदेशीर आस्थापनांच्या आणि तेथील गैरप्रकारांबाबत गंभीर चिंता व्यक्त होत आहे. अशा प्रवृत्तीमुळे वन्य प्राण्यांच्या संरक्षणाचा प्रश्न ऐरणीवर आला आहे. वन्यजीव प्राणीकल्याण संस्था (RAWW) ने जखमी अवस्थेतील माकडाला वाचवले असून, ते सध्या त्यांच्या देखरेखेखाली आहे. या घटनेमुळे शहराच्या मध्यभागी असलेल्या या हिरव्यागार परिसरात पशु क्रूरता आणि बेकायदेशीर कामांचा एक चिंताजनक प्रकार समोर आला आहे. येऊरमध्ये अनेक बेकायदेशीरपणे चालणाऱ्या स्टड फार्म आणि टर्फ कथितरित्या घोडेस्वारी, तिरंदाजी यांसारख्य साहसी खेळांचे प्रशिक्षण देतात तसेच येथे स्पर्धा आयोजित करण्यात येतात. अशी माहिती वन्यजीव प्राणीकल्याण संस्थेद्वारे देण्यात आली.
येऊर परिक्षेत्रातील गतविधींवर कारवाई संयुक्त वन व्यवस्थापन समितीचे कार्यकारी सदस्य रोहित जोशी यांनी या घटनेबद्दल तीव्र चिंता व्यक्त केली. जोशी म्हणाले, "हे एक अमानुष कृत्य आहे आणि आमच्या संरक्षित जंगलांतील वन्यजीवांवर थेट हल्ला आहे. ज्याने कोणी हे कृत्य केले असेल त्याला शोधून दंडित करणारच, इतकेच नाही तर समितीतील सर्व भागधारक, वन विभाग, ठाणे महानगरपालिका, ठाणे पोलीस , स्थानिकांच्या सहकार्याने येथील सर्व बेकायदेशीर आस्थापनाना आता कायदेशीर कारवाईला सामोरे जावे लागेल ." अशी प्रतिक्रिया व्यक्त केली. येऊर मधील माकडाच्या शिकारीचे तीव्र पडसाद उमटलेले आहेत. या गैर कृत्य प्रकरणी एक तातडीची बैठक बोलावण्यात आली असून ठाणे महानगरपालिका, पोलीस विभाग, स्थानिक आदिवासी समुदाय आणि प्राणी बचाव व कल्याण स्वयंसेवी संस्थांचे सदस्य उपस्थित असतील. या बैठकीत येऊर ईएसझेडमधील सर्व बेकायदेशीरपणे कार्यरत आस्थापनांना त्यांच्यावर कठोर कारवाई करण्यासाठी एक सर्वसमावेशक कृती आराखडा तयार करण्यावर चर्चा केली जाईल.
याव्यतिरिक्त, तपासामध्ये ईएसझेडच्या सीमेवर असलेल्या खाजगी बंगले आणि मालमत्तांची देखील चौकशी केली जाईल. असा संशय आहे की, माकडाला त्यांच्या फार्म किंवा बंगल्यात प्रवेश करण्यापासून रोखण्यासाठी मारण्यात आले असावे. या आस्थापनांवर देखील समितीची नजर असेल, जेणेकरून ते अशा बेकायदेशीर कृत्यांमध्ये सहभागी नाहीत किंवा त्यांना प्रोत्साहन देत नाहीत याची खात्री करता येईल. येऊरच्या पर्यावरणीयदृष्ट्या संवेदनशील क्षेत्रांचे, तसेच येथील वन्यजीव आणि त्यांच्या अधिवासांचे संरक्षण करण्यासाठी निसर्गप्रेमी ठाणेकरांच्या सहभाग अत्यंत आवश्यक आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.