ठाणे दि १७: (प्रतिनिधी) भिवंडी तालुक्यातील पडघा परिसरात बेकायदेशीर शस्त्र बाळगणाऱ्या एकाला ठाणे ग्रामीण पोलिसांना अटक करण्यात यश आले आहे. त्याच्याकडून गावठी बनावटीची सिंगल नळीची १२ बोअर बंदूक आणि पाच जिवंत काडतुसे जप्त करण्यात आली आहेत.
१३ मे २०२६ रोजी सायंकाळी ५ ते ६.१५ वाजण्याच्या दरम्यान एका अनोळखी इसमाने बेकायदेशीररीत्या गावठी बनावटीची बंदूक आणि जिवंत काडतुसे मिळवून ती मौजे सुकाळेपाडा, लाप बुद्रुक (पो. पडघा) येथील दगडू लक्ष्मण थापड यांच्या घरात ठेवून पलायन केले. यावेळी थापड यांनी घराला कुलूप लावून शेतात गेले होते. या प्रकरणी पडघा पोलिस ठाण्यात गुन्हा नोंदविण्यात आला. या गुन्ह्याचे गांभीर्य लक्षात घेऊन अपर पोलिस अधीक्षक तथा अतिरिक्त पोलिस अधीक्षक ठाणे ग्रामीण अनमोल मित्तल, उपविभागीय पोलिस अधिकारी राहुल झालटे आणि स्थानिक गुन्हे शाखेचे पोलीस निरीक्षक संदीप गिते यांनी पडघा पोलिस ठाण्याचे निरीक्षक जितेंद्र ठाकूर यांना समांतर तपासाचे आदेश दिले होते.
पोलिस पथकाने गुप्त बातमीदारांच्या मदतीने तपास करत अल्पावधीत भिवंडी, भोगाडेपाडा, घोटगाव येथील दौलत काकडया भोगाडे याला ताब्यात घेत अटक केली. या प्रकरणाचा पुढील तपास पोलीस उपनिरीक्षक शरद सुरळकर करत आहेत. या कारवाईत पोलिस उपनिरीक्षक उमेश रोठे, पोलिस नाईक बाळासाहेब जाधव, मनोहर पवार, पोलिस शिपाई सुरेश खडके आणि रुपेश जाधव यांनी सहभाग घेतला.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.