सावंतवाडी (प्रतिनिधी) - सावंतवाडी राजघराण्याचे अनेक वर्षांपासून कुलमुखत्यार (सध्या निवृत्त झालेले) असलेले गजानन गोपाळ कानसे (वय ८७) यांचे माजगाव, दळवी वाडा येथे दुःखद निधन झाले. स्वर्गीय राजे श्रीमंत शिवरामराजे भोसले आणि स्वर्गीय श्रीमंत सत्वशिलादेवी भोसले यांचे ते अनेक वर्षे कुलमुखत्यारी होते. त्यांनी राजघराण्यातील न्यायालयीन आणि महसूल विभागाची महत्त्वपूर्ण कामे पाहिली. श्रीमंत शिवरामराजे भोसले आमदार असतानाही ते त्यांची कामे सक्रियपणे सांभाळत होते.
गेल्या काही वर्षांपासून ते आजारी असल्याने घरीच विश्रांती घेत होते. त्यांच्या निधनाची माहिती मिळताच खेम सावंत भोसले यांनी घरी भेट देऊन पार्थिवाचे अंत्यदर्शन घेतले. त्यांच्या पश्चात दोन मुलगे आणि एक विवाहित मुलगी असा परिवार आहे. त्यांचे सुपुत्र राजू कानसे हे ग्रामसेवक म्हणून कार्यरत आहेत, तर संजय कानसे हे न्यायालयीन कर्मचारी आहेत. गजानन गोपाळ कानसे यांच्या निधनाने सावंतवाडी राजघराण्याशी संबंधित एक महत्त्वाचा दुवा निखळला असून, सर्व स्तरांतून हळहळ व्यक्त होत आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.