सावंतवाडी (प्रतिनिधी) - सावंतवाडी तालुक्यातील वेर्ले गावात आज सकाळी साडेअकराच्या सुमारास घडलेल्या एका दुर्दैवी घटनेने परिसरात खळबळ उडाली आहे. सचिन सुभाष मर्गज (वय २८, रा. वेर्ले) नावाच्या युवकाचा बंदुकीची गोळी लागून जागीच मृत्यू झाला आहे. प्राथमिक माहितीनुसार, सचिन मर्गज हा कोलगावातील दोन व्यक्तींसोबत वेर्ले येथील जंगल भागात शिकारीसाठी गेला होता. शिकार करत असताना बंदुकीतून सुटलेली गोळी चुकून सचिनला लागली आणि त्याचा जागीच मृत्यू झाला.
घटनेची माहिती मिळताच मृत युवकाच्या वडिलांनी तातडीने सावंतवाडी पोलिस ठाण्यात धाव घेऊन तक्रार नोंदवली. तक्रारीच्या आधारे पोलिसांनी तातडीने कारवाई करत कोलगाव येथील संबंधित दोघांना ताब्यात घेतले आहे. पोलिसांनी ताब्यात घेतलेल्या दोन्ही आरोपींकडून घटनेबाबत सखोल चौकशी सुरू केली आहे. गोळी नेमकी कोणत्या परिस्थितीत सुटली आणि हा अपघात कसा झाला, याबाबत पोलिस कसून तपास करत आहेत. घटनास्थळी पंचनामा करण्यात आला असून, मृतदेह शवविच्छेदनासाठी सावंतवाडी ग्रामीण रुग्णालयात पाठवण्यात आला आहे. या दुर्दैवी घटनेमुळे वेर्ले गावात शोककळा पसरली असून, पुढील तपास सावंतवाडी पोलीस करत आहेत.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.