सावंतवाडी (प्रतिनिधी) - सावंतवाडी तालुक्यातील चराठे गावची कन्या हेमांगी गजानन मेस्त्री हिने मध्यप्रदेश येथे पार पडलेल्या राष्ट्रीय पातळीवरील पॉवरलिफ्टिंग स्पर्धेत सुवर्णपदक पटकावून जिल्ह्याच्या शिरपेचात मानाचा तुरा रोवला आहे. तिच्या या ऐतिहासिक कामगिरीमुळे चराठे गावासह संपूर्ण सावंतवाडी तालुक्यात अभिमानाचे वातावरण पसरले आहे.
हेमांगीच्या या यशाची दखल घेत शिवसेना सिंधुदुर्ग जिल्हाप्रमुख संजू परब यांनी तिचे विशेष अभिनंदन केले. "ग्रामीण भागातील मुली क्रीडा क्षेत्रात राष्ट्रीय स्तरावर मजल मारत आहेत, ही जिल्ह्यासाठी गौरवाची बाब आहे," अशा शब्दांत त्यांनी हेमांगीचे कौतुक केले. तसेच, आगामी काळात दिल्ली येथे होणाऱ्या राष्ट्रीय स्पर्धेसाठी तिला पुढील वाटचालीस मनःपूर्वक शुभेच्छा दिल्या.
हेमांगीच्या यशानंतर चराठे गावात उत्साहाचे वातावरण आहे. याप्रसंगी चराठे गावच्या सरपंच प्रचीती कुबल, बाळू वाळके, राजू कुबल, गजानन मेस्त्री यांच्यासह गावातील अनेक मान्यवर आणि ग्रामस्थ मोठ्या संख्येने उपस्थित होते. कठोर मेहनत आणि जिद्दीच्या जोरावर हेमांगीने हे यश संपादन केले असून, तिच्यावर सर्व स्तरांतून अभिनंदनाचा वर्षाव होत आहे. दिल्लीतील आगामी स्पर्धेतही ती अशीच चमकदार कामगिरी करेल, असा विश्वास ग्रामस्थांनी व्यक्त केला आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.