संगमेश्वर (सत्यवान विचारे) - संगमेश्वर व चिपळूण तालुक्यातील अनुसूचित जाती समाजाच्या सर्वांगीण विकासासाठी एक महत्त्वपूर्ण आणि दिलासादायक निर्णय घेण्यात आला आहे. जिल्हा नियोजन समितीअंतर्गत अनुसूचित जाती उपाय योजनेंतर्गत “सोलर हायमास्ट” प्रकल्पासाठी तब्बल रु. ८१ लाखांचा निधी मंजूर करण्यात आला आहे. हा निधी मंजूर होण्यासाठी स्थानिक आमदार शेखर निकम यांनी सातत्याने केलेला पाठपुरावा निर्णायक ठरला. विशेष म्हणजे, महाराष्ट्र राज्याचे उद्योग मंत्री तसेच रत्नागिरी जिल्ह्याचे पालकमंत्री उदय सामंत यांच्या मोलाच्या सहकार्यामुळे हा निधी जिल्हा नियोजन अंतर्गत प्रत्यक्षात प्राप्त होऊ शकला.
सोलर हायमास्ट प्रकल्पामुळे अनुसूचित जाती वस्ती असलेल्या भागांमध्ये रात्रीच्या वेळी प्रकाशाची सुविधा उपलब्ध होणार असून, त्यामुळे सुरक्षितता, सामाजिक जीवनमान आणि विकासाला नवी दिशा मिळणार आहे. पर्यावरणपूरक सौर ऊर्जेचा वापर होत असल्याने हा प्रकल्प भविष्यातील पिढ्यांसाठीही उपयुक्त ठरणार आहे. सामाजिक न्याय, समता आणि विकास या मूल्यांवर ठाम विश्वास ठेवून आमदार शेखर निकम यांनी केलेल्या या प्रयत्नांमुळे स्थानिक नागरिकांमध्ये समाधान आणि आशेचे वातावरण निर्माण झाले आहे. “विकास हा शेवटच्या घटकापर्यंत पोहोचला पाहिजे” या भूमिकेचा हा जिवंत प्रत्यय असल्याची भावना नागरिकांमधून व्यक्त होत आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.