खेड - (प्रतिनिधी) - दि. 31 ऑक्टोबर ते 2 नोव्हेंबर दरम्यान कोरमंगलम इनडोअर स्टेडियम, बेंगलोर (कर्नाटक) येथे संपन्न झालेल्या 42 व्या राष्ट्रीय तायक्वॉडो ज्युनियर क्युरुगी चॅम्पियनशिप स्पर्धेमध्ये रोटरी स्कूलच्या विधी दिपक गोरे हिने कांस्य पदक पटकावले. सदरच्या स्पर्धेत भारत देशातील अनेक खेळाडूंनी सहभाग घेतला होता. यामध्ये कांस्यपदक पटकावून विधी हिने आपले व रोटरी स्कूलचे नाव रोशन केले आहे. विधी गोरे ही इ. 11वी मध्ये शिकत असून तिला तायक्वॉंडो खेळाची खूप आवड आहे. तिने आजवर 4 राष्ट्रीय स्पर्धेत सहभाग नोंदवून सुवर्ण पदकांची कमाई केली आहे. तसेच तिने यापूर्वी महाराष्ट्र राज्य तायक्वॉंडो स्पर्धेमध्ये व खेलो इंडिया स्पर्धा निवड चाचणीमध्ये सुवर्ण पदक पटकावून रोटरी स्कूलचे नाव गौरविले होते. त्यामुळे तिची खेलो इंडिया मिनिस्ट्री ऑफ युथ अ‍ॅण्ड स्पोर्टस् भारत सरकार यांच्या मान्यतेने व पॉंडेचेरी तायक्वॉंडो स्पोर्टर्स असोसिएशन आयोजित पहिली अस्मिता खेला इंडिया महिला लिग फेज 3 स्पर्धेमध्ये निवड झाली होती.
या स्पर्धेत विधी हिने पॉंडेचरी, आंध्रप्रदेश, तामिळनाडू केरळ, गोवा या राज्यातील खेळाडूंशी चुरशीची लढत देत सुवर्ण पदक पटकावले. तिने प्राप्त केलेल्या या यशामुळे तिच्यावर सर्वच स्तरांतून कौतुकाचा वर्षाव होत आहे. विधी हिला क्रीडाशिक्षक व तायक्वॉंडो प्रशिक्षक कृणाल चव्हाण यांचे मोलाचे मार्गदर्शन लाभले. संस्थेचे चेअरमन बिपीनदादा पाटणे, सर्व पदाधिकारी, शाळेच्या मुख्याध्यापिका भूमिता पटेल, सर्व शिक्षक व शिक्षकेतर कर्मचारी यांनी विधीचे अभिनंदन केले.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.