खेड (प्रतिनिधी) - दि. 23 ते 25 ऑक्टोबर दरम्यान तायक्वाँडो असोसिएशन ऑफ महाराष्ट्र आणि रत्नागिरी तायक्वाँडो स्पोर्ट्स असोसिएशनच्या सहकार्याने डेरवण, चिपळूण येथील स्पोर्ट्स कॉम्प्लेक्समध्ये पार पडलेल्या राज्यस्तरीय तायक्वाँडो स्पर्धेत रोटरी इंग्लिश मिडिअम स्कूल खेडच्या आयुष जाधव व विधी गोरे या खेळाडूंनी दोन सुवर्णपदकांची कमाई केली. सदरच्या स्पर्धेत राज्यातील अनेक खेळाडूंनी सहभाग घेतला होता. यामध्ये सुवर्णपदक पटकावून आयुष व विधी यांनी आपले व रोटरी स्कूलचे नाव रोशन केले आहे. कोरमंगलम इनडोअर स्टेडियम, बेंगलोर (कर्नाटक) येथे दि. 31 ऑक्टोबर ते 2 नोव्हेंबर या कालावधीत होणाऱ्या 42 व्या राष्ट्रीय तायक्वॉडो ज्युनियर क्युरुगी चॅम्पियनशिप 2025 राष्ट्रीय स्पर्धेत आयुष जाधव 59 किलो खालील व विधी गोरे 68 किलो वरील वजनी गटात महाराष्ट्र संघाचे प्रतिनिधीत्व करणार आहे. यासाठी महाराष्ट्र संघ 29 ऑक्टोबर रोजी रवाना होणार आहे.
वरील खेळाडूंच्या या नेत्रदीपक यशामुळे त्यांच्यावर सर्वच स्तरांतून कौतुकाचा वर्षाव होत आहे. वरील यशस्वी खेळाडूंना क्रीडाशिक्षक व तायक्वॉडो प्रशिक्षक कृणाल चव्हाण यांचे मोलाचे मार्गदर्शन लाभले. संस्थेचे चेअरमन बिपीनदादा पाटणे, सर्व पदाधिकारी, शाळेच्या मुख्याध्यापिका भूमिता पटेल, सर्व शिक्षक व शिक्षकेतर कर्मचारी यांनी यशस्वी खेळाडूंचे अभिनंदन करून पुढील वाटचालीस शुभेच्छा दिल्या.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.