सावंतवाडी (प्रतिनिधी) : सावंतवाडी शहरासह परिसरात आज इंधन दरवाढीचा मोठा भडका उडाला आहे. पेट्रोल आणि डिझेलच्या किंमतीत पुन्हा एकदा लक्षणीय वाढ झाल्याने सर्वसामान्य जनतेचे बजेट कोलमडले आहे. आज पेट्रोलच्या दरात प्रतिलिटर ९१ पैशांची, तर डिझेलच्या दरात प्रतिलिटर ९४ पैशांची वाढ झाली आहे. या सातत्यपूर्ण दरवाढीमुळे नागरिकांमध्ये तीव्र असंतोष पसरला असून, आगामी काळात इंधन टंचाई निर्माण होण्याची शक्यता वर्तवली जात आहे. याच भीतीपोटी आज सकाळपासूनच शहरातील विविध पेट्रोल पंपांवर वाहनधारकांच्या लांबच लांब रांगा लागल्याचे चित्र पाहायला मिळाले.
ताज्या दरवाढीनंतर सावंतवाडीत आता साध्या पेट्रोलचा दर प्रतिलिटर १०९ रुपये ५३ पैसे इतका झाला आहे, तर प्रीमियम म्हणजेच पॉवर पेट्रोलने ११९ रुपये २५ पैशांचा टप्पा गाठला आहे. दुसरीकडे, डिझेलच्या दरात ९४ पैशांची वाढ झाल्याने आता डिझेल प्रतिलिटर ९६ रुपये ०६ पैशांवर पोहोचले आहे. काही दिवसांपूर्वीच पेट्रोलच्या दरात थेट तीन रुपयांची वाढ झाली होती. हा धक्का ओसरतो न ओसरतो, तोच आज पुन्हा ९१ पैशांची भर पडल्याने इंधन दरवाढ आता सर्वसामान्यांच्या आवाक्याबाहेर गेल्याचे स्पष्ट दिसत आहे.
इंधनाचे दर गगनाला भिडल्यामुळे केवळ वाहनधारकच नव्हे, तर व्यापारी आणि सर्वसामान्य नागरिकही चिंतेत पडले आहेत. डिझेल महागल्यामुळे वाहतूक खर्च मोठ्या प्रमाणावर वाढणार आहे. याचा थेट परिणाम जीवनावश्यक वस्तू, भाजीपाला, दूध आणि इतर दैनंदिन वापराच्या साहित्यावर होण्याची दाट शक्यता निर्माण झाली आहे. वाहतूक खर्च वाढल्याने येत्या काही दिवसांत जीवनावश्यक वस्तूंच्या किंमती गगनाला भिडणार असल्याचे संकेत मिळत असून, यामुळे महागाईचा आलेख आणखी उंचावणार आहे. एकंदरीत, या सततच्या इंधन दरवाढीमुळे सावंतवाडीकरांमध्ये चिंतेचे वातावरण असून, शासनाने यावर तातडीने नियंत्रण मिळवावे, अशी मागणी सर्व स्तरातून होत आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.