1.jpg)
2.jpg)
.jpg)
सावंतवाडी (प्रतिनिधी) - कोलगावचे ग्रामदैवत श्रीदेवी सातेरी पंचायतन देवस्थानचा त्रैवार्षिक पडली उत्सव गुरुवार ७ ते ११ मे दरम्यान होत आहे. त्यानिमित्त पाच दिवस विविध धार्मिक कार्यक्रमांचे आयोजन करण्यात आले आहे. यानिमित्त गुरुवार ७ मे रोजी सायंकाळी ४ वाजता कुळघर चंदन धुरी यांच्या घराकडून तरंगकाठीसह वाजत गाजत श्री देवी सातेरी मंदिर येथे प्रस्थान व मुक्काम होईल. शुक्रवार ८ रोजी दुपारी २ वाजता श्रीदेवी सातेरी मंदिराकडून अंधार व तरंगकाठीसह चव्हाटा येथे श्री दिर्बाई देवीच्या भेटीसाठी प्रस्थान व त्याठिकाणी धार्मिक विधी मानपान व नवसफेड कार्यक्रम होतील. रात्री ९ वाजता महाप्रसाद व त्यानंतर श्री दिर्बाई देवी मंदिराकडून अंधार व तरंगकाठीसह चव्हाटा मंदिराकडे प्रस्थान व रात्री मुक्काम होईल.
शनिवार ९ मे रोजी सकाळी १० वाजता अंधारांच्याहस्ते धार्मिक विधीयुक्त पडली भरणे व त्यानंतर भाविकांच्या पडलीत ओटी भरण्याचा कार्यक्रम होईल. सायंकाळी ४ वाजता अंधारांना हाक मारणे, भाविकांची गाऱ्हाणी व नवस बोलणे, सायंकाळी ५ ते ७ दरम्यान सांस्कृतिक कार्यक्रम व रात्री ८ वाजता आरोलकर दशावतार मंडळाचा नाट्यप्रयोग होईल. रविवार १० मे रोजी सकाळी १० वाजता सर्व अंधाराना हाक मारणे व ओटी भरणे नवस बोलणे, सायंकाळी ४ वाजता अंधाराना हाक मारणे, सायंकाळी ५ वाजता सांस्कृतिक कार्यक्रम त्यानंतर रात्री ८ वाजता सिद्धिविनायक दशावतार नाट्य मंडळाचा (पिकुळे) नाट्यप्रयोग होणार आहे.
सोमवार ११ रोजी सकाळपासून ओटी भरणे, सकाळी ११ वाजता सर्व अंधाराना हाक मारणे व रयतेला आशीर्वाद, ११ वाजता दादासाहेब सावंत (कोलगाव - पुणेकर) यांच्यावतीने महाप्रसाद, दुपारी २.३० वाजता अंधाराना हाक मारणे व नंतर पडली महादेवाचे केरवडे येथे प्रस्थान होईल. भाविकांनी पडली सोहळ्याला उपस्थित राहण्याचे आवाहन श्री देवी सातेरी देवस्थान कमिटीच्यावतीने व कोलगाव ग्रामस्थांच्यावतीने करण्यात आले आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.