रत्नागिरी (प्रतिनिधी) - रत्नागिरी शहरात अंमली पदार्थांच्या तस्करीविरोधात सुरू असलेल्या मिशन फिनिक्स मोहिमेला मोठे यश मिळाले आहे. स्थानिक गुन्हे अन्वेषण शाखेच्या पथकाने NDPS कायद्यान्वये कारवाई करत 30 ग्रॅम ब्राऊन हेरॉईन सदृश अंमली पदार्थासह चार जणांना ताब्यात घेतले असून, सुमारे 3 लाख 61 हजार 200 रुपयांचा मुद्देमाल जप्त करण्यात आला आहे. ही कारवाई मा. पोलीस अधीक्षक नितीन दत्तात्रय बगाटे व मा. अपर पोलीस अधीक्षक बी. बी. महामुनी यांच्या मार्गदर्शनाखाली करण्यात आली. दिनांक 11 जानेवारी 2026 रोजी सायंकाळी 7.30 वाजण्याच्या सुमारास, स्थानिक गुन्हे अन्वेषण शाखेचे पोलीस पथक रत्नागिरी शहर परिसरात शासकीय वाहनाने पेट्रोलिंग करत असताना सिव्हिल हॉस्पिटल ते निवखोलकडे जाणाऱ्या रस्त्यावर, सिव्हिल हॉस्पिटल कंपाऊंडजवळ संशयास्पद हालचाली दिसून आल्या.
तपासणीदरम्यान आरोपींच्या ताब्यातून 30 ग्रॅम वजनाचा ब्राऊन हेरॉईन सदृश अंमली पदार्थ, तसेच इतर साहित्य मिळून आले. याप्रकरणी पुढील व्यक्तींना ताब्यात घेण्यात आले आहे — ताहीर रफीक कोतवडेकर (रा. रुबी अपार्टमेंट, थिबा पॅलेस रोड), रिझवान अश्रफ नावडे (रा. राजीवडा), आकीब जिक्रीया वस्ता (रा. राजीवडा, मच्छी मार्केटजवळ) आणि रफत करीम फणसोपकर (रा. जुने मच्छी मार्केट, राजीवडा), सर्व रा. रत्नागिरी. आरोपी व जप्त मुद्देमाल पुढील कायदेशीर कारवाईसाठी रत्नागिरी शहर पोलीस ठाण्यात जमा करण्यात आला असून, NDPS कायद्यान्वये गुन्हा दाखल करण्याची प्रक्रिया सुरू आहे.
ही यशस्वी कारवाई पोलीस निरीक्षक नितीन ढेरे यांच्या नेतृत्वाखाली पार पडली. पथकात श्रेणी पोलीस उपनिरीक्षक संदीप ओगले, पोहवा. 251 शांताराम झोरे, पोहवा. 909 विजय आंबेकर, पोहवा. 1407 दिपराज पाटील, पोहवा. 262 विवेक रसाळ, पोहवा. 265 योगेश नार्वेकर व पो.कॉ. 215 अतुल कांबळे यांचा समावेश होता.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.