रत्नागिरी - रत्नागिरीतील श्रीराम मंदिराचे सभागृहात मंगळ. दि. ६ जाने. २०२६ रोजी ’बाल आनंद मेळावा’ आयोजित करण्यात आला आहे. या मेळाव्याला छोट्यांनी तसेच मोठ्यांनीही उपस्थित राहून मेळाव्याचा आनंद लुटावा असे आवाहन करण्यात आले आहे. हा ’बाल आनंद मेळावा’ दरवर्षी प्रमाणे यावर्षीही श्रीराम मंदिर देवस्थान व मंगलमूर्ती प्रतिष्ठानच्या संयुक्त विद्यमाने संपन्न होईल. हा ’बाल आनंद मेळावा’ श्रीराम मंदिर सभागृहात मंगळ. दि. ६ जाने. २०२६ रोजी दु. ३ ते सायं. ७ या वेळेत संपन्न होईल. या मेळाव्यात छोट्यांना व त्यांच्या सोबत येणार्या मोठ्यांनाही मुक्त प्रवेश राहील. यावेळी छोट्यांसोबत मोठ्यांनीही नववर्षाचा जल्लोष साजरा करावयाचा आहे. या ’बाल आनंद मेळाव्यात’ छोट्यांसाठी व मोठ्यांसाठीही अनेक आकर्षणे असतील, जेणेकरुन सारे जण मनसोक्त आनंद लुटतील.
या ’बाल आनंद मेळाव्या’त फुग्यांची व खाऊची रेलचेल असेल. छोट्यांना आल्या आल्या आवडीचा खाऊ देण्यात येईल. त्यानंतर गोड शिरा, क्रीम केक असे खाऊ थोड्या थोड्या वेळाने दिले जातील. तेथे अनेक प्रकारचे फनी गेम्स असतील, सुप्रसिध्द जादुगार जादुचे चमत्कार दाखवतील तर निसर्ग प्रेमी ढालकर सर पशु पक्ष्यांचे हुबेहुब आवाज काढून सर्वांना चकीत करतील. यावेळी लहान मुलांना त्यांच्या आवडीनुसार आकर्षक चेहरे रंगवून दिले जातील. त्यासाठी पटवर्धन हायस्कूलची कलाशिक्षक मंडळी उपस्थित राहणार आहेत. या खेरीज लहान मुलांचे ’फॅन्सी ड्रेस’ प्रेझेंटेशन आयोजित करण्यात आले आहे. पालकांनी शक्य झाल्यास येताना बालकांना आवडीनुसार वेशभूषा करुन आणावे किंवा देवस्थानमध्येही त्यासाठी खास व्यवस्था उपलब्ध असेल. ’फॅन्सी ड्रेस’ प्रेझेंटेशन ही स्पर्धा नसून सादरीकरण असेल कारण यामध्ये सहभागी होणार्या सर्वांना आकर्षक बक्षिसे देण्यात येणार आहेत. या ’बाल आनंद मेळाव्या’त खाऊचे अनेक स्टॉल्स असतील व या स्टॉल्सवर छोट्यांना आवडणारा खाऊ ठेवण्यात येईल. या ’बाल आनंद मेळाव्या’त सहभागी होणार्या सर्व छोट्यांना त्यांचा आवडीचा खाऊ देण्यात येईल तसेच मोठ्यांनाही अल्पोपहार देण्यात येईल. या मेळाव्यासाठी येणार्या छोट्यांनी नटून थटून यावे असे आवाहन देवस्थानतर्फे करण्यात आले आहे.
या मेळाव्यावेळी बालकांची समूह नृत्ये तसेच वैयक्तिक नृत्ये देखील सादर करण्यात येतील. या ’बाल आनंद मेळाव्या’त सहभागी होणार्या सर्व शाळांचा, कला शिक्षकांचा व कलावंतांचा सन्मानचिन्ह देऊन सत्कार करण्यात येईल. लांजा, राजापूरचे लोकप्रिय आमदार श्री. किरण तथा भय्या शेठ सामंत यांच्या वाढदिवसाच्या पूर्वसंध्येला श्रीराम मंदिर देवस्थान येथे हा ’बाल आनंद मेळावा’ आयोजित करण्यात आला आहे. यावेळी भलामोठा केक कापून तो सर्व छोट्यांना वाटण्यात येईल. हा ’बाल आनंद मेळावा’ यशस्वी करण्यासाठी आज झालेल्या बैठकीत संयोजन समिती स्थापन करण्यात आली, ती पुढील प्रमाणे १) श्री. राजन शेट्ये अध्यक्ष २) श्री. विनायकराव हातखंबकर सर - समिती प्रमुख ३) श्री. रमाकांत पांचाळ सर ४) श्री. संदीप डोंगरे ५) श्री. संजय वैशंपायन ६) श्री. संतोष रेडीज ७) सौ. संजीवनी जामखेडकर मॅडम ८) श्री. दिपक राऊत ९) श्री. उपेंद्र सुर्वे १०) श्री. राकेश चव्हाण ११) श्री. भगवान मोटे सर १२) श्री. प्रकाश शिंदे १३) श्री. सुधाकरराव सावंत १४) श्री. दिपक देसाई १५) श्री. प्रदीप मोरे सर. या ’बाल आनंद मेळाव्या’ला सर्व छोट्यांनी नटून थटून यावे तसेच येताना सोबत आपल्या पालकांना व घरातील मोठ्यांना आवर्जुन घेऊन यावे आणि नववर्षा निमित्त आनंद व जल्लोष साजरा करावा असे आवाहन श्रीराम मंदिर देवस्थान व मंगलमूर्ती प्रतिष्ठानच्या वतीने करण्यात आले आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.