सावंतवाडी (प्रतिनिधी) विद्याभारती सिंधुदुर्ग संचलित ’वसंत शिशुवाटिका’ सावंतवाडीचे वार्षिक स्नेहसंमेलन नुकतेच मोठ्या उत्साहात पार पडले. चिमुकल्यांचे कलागुण, साहसी प्रात्यक्षिके आणि पालकांचा सहभाग यामुळे हा सोहळा संस्मरणीय ठरला. कार्यक्रमाची सुरुवात मान्यवरांच्या हस्ते दीपप्रज्वलनाने झाली. विद्याभारती सिंधुदुर्गचे कार्यवाह डॉ. राजशेखर कार्लेकर यांनी प्रास्ताविकात विद्याभारतीच्या कार्याचा आढावा घेतला. शिशुवाटिकेसोबतच भविष्यात प्राथमिक वर्ग सुरू करण्यासाठी आमचे प्रयत्न सुरू आहेत, असे त्यांनी सांगितले. तसेच समाजाला या कार्यात सहभागी होण्याचे आवाहन केले.
प्रमुख पाहुणे अॅड. सिद्धार्थ भांबुरे (अध्यक्ष, रोटरी क्लब ) यांनी शिशुवाटिकेतील संस्कारक्षम उपक्रमांचे कौतुक केले. रोटरी क्लबच्या वतीने शिशुवाटिकेला ’इन्व्हर्टर’ भेट देण्यात आले, त्याबद्दल स्थानिक समिती अध्यक्ष जगदीश धोंड यांनी आभार मानले. भांबुरे यांनी भविष्यातही सर्वतोपरी सहकार्य करण्याचे आश्वासन दिले. ’श्यामची आई’ या छोटेखानी नाटिकेने पालकांची मने जिंकली. साहसी खेळ: प्रभात गटातील मुलांनी साहसी खेळांची चित्तथरारक प्रात्यक्षिके सादर केली. पालकांनी सौ. सोनाली चुनेकर यांच्या संकल्पनेतून ’सीतायन’ सादर केले, ज्यात रामायणातील विविध पात्रे साकारण्यात आली होती. यावेळी व्यासपीठावर उपाध्यक्ष प्रवीण परब, सौ. मानसी वाटवे, डॉ. रश्मी कार्लेकर आदी मान्यवर उपस्थित होते.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.