खेड (प्रतिनिधी) - खेड शहरात नव्याने स्थलांतरित झालेल्या ‘आपला बाजार’ला गृहराज्यमंत्री योगेश कदम यांनी नुकतीच भेट दिली. या भेटीदरम्यान त्यांनी संपूर्ण बाजाराची पाहणी करत व्यवस्थापन, उपलब्ध सुविधा तसेच ग्राहकांना दिल्या जाणार्या सेवा यांची माहिती घेतली. स्थानिक नागरिकांना दर्जेदार वस्तू एकाच ठिकाणी उपलब्ध करून देणार्या या उपक्रमाचे त्यांनी कौतुक करत ‘आपला बाजार’च्या पुढील वाटचालीस शुभेच्छा दिल्या. यावेळी खेड नगरपरिषदेच्या नूतन नगराध्यक्ष माधवी बुटाला, गटनेते निकेतन पाटणे तसेच शिवसेनेचे सर्व नवनिर्वाचित नगरसेवक मोठ्या संख्येने उपस्थित होते.
गृहराज्यमंत्री योगेश कदम यांनी बाजार व्यवस्थापनाशी संवाद साधत शहराच्या विकासात अशा उपक्रमांची भूमिका महत्त्वाची असल्याचे नमूद केले. स्थानिक रोजगारनिर्मितीला चालना देणार्या आणि ग्राहकांच्या गरजा पूर्ण करणार्या बाजारपेठा वाढल्या पाहिजेत, असे मतही त्यांनी व्यक्त केले. या प्रसंगी ‘आपला बाजार’चे मालक संदीप नायकवडी यांना गृहराज्यमंत्री योगेश कदम यांनी शुभेच्छा देत त्यांच्या कार्याचे अभिनंदन केले. यावेळी शहराध्यक्ष कुंदन सातपुते, मीनार चिखले, संजय मोदी, जिल्हा परिषद बांधकाम सभापती अण्णा कदम यांच्यासह अनेक मान्यवर उपस्थित होते.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.