एकदिवसीय सरलामानक संस्कृत कार्यशाळा उत्साहात संपन्न

2026-01-10 00:00:00

शैक्षणिक

रत्नागिरी (वार्ताहर)- कविकुलगुरू कालिदास संस्कृत विश्वविद्यालय, रामटेकचे भारतरत्न डॉ. पांडुरंग वामन काणे संस्कृत अध्ययन केंद्र, रत्नागिरी संस्कृत उपकेंद्र आणि भारतीय भाषा समिती शिक्षा मंत्रालय , नवी दिल्ली यांच्या संयुक्त विद्यमाने, गोगटे जोगळेकर महाविद्यालय, रत्नागिरी (स्वायत्त), माध्यमिक शिक्षण विभाग, जि. प. रत्नागिरी, संस्कृत शिक्षक मंडळ रत्नागिरी यांच्या सहयोगाने दिनांक ८ जानेवारी २०२६ रोजी एकदिवसीय सरलमानक संस्कृत कार्यशाळेचे आयोजन करण्यात आले होते. यावेळी रत्नागिरी संस्कृत उपकेंद्राचे संचालक डॉ. दिनकर मराठे यांनी प्रास्ताविकात कार्यशाळेचे स्वरूप आणि व शिक्षकांच्या दृष्टीने उपयोगिता मांडली.

https://ratnagiritimes.in//assets/images/2020/add/2020/sky22.jpg

यानंतर शिक्षणाधिकारी माध्यमिक जिल्हा परिषद रत्नागिरीचे दीपक मेंगाणे यांनी संस्कृत भाषेचे महत्त्व आणि प्रसार करण्यासाठी शिक्षकांनी सुसंघटित होणे गरजेचे असल्याचे प्रतिपादन केले. यावेळी गोगटे जोगळेकर महाविद्यालयातील संस्कृत विभागाच्या प्रमुख आणि कला शाखेच्या उपप्राचार्या डॉ कल्पना आठल्ये ,संस्कृत शिक्षक मंडळाच्या अध्यक्षा स्मिता सरदेसाई , संस्कृत भारती गीता शिक्षण केंद्र प्रमुख शिरीष भेडसगावकर, जिल्ह्यातील संस्कृत शिक्षक, उपकेंद्रातील विद्यार्थी, प्राध्यापक वर्ग व कर्मचारी वर्ग उपस्थित होते.