कणकवली (प्रतिनिधी)- कणकवली शहरातील ग्रामदैवत पटकीदेवी मातेचा वार्षिक जत्रोत्सव शुक्रवारी भक्तिभाव व उत्साहाच्या वातावरणात साजरा करण्यात आला. जत्रोत्सवानिमित्त मंदिर परिसराला आकर्षक विद्युत रोषणाई आणि फुलांची भव्य सजावट करण्यात आली होती. पेठेतील पटकीदेवी मंडळाच्या परिसरात रस्त्यावर काढण्यात आलेल्या सडा-रांगोळ्यांमुळे परिसर अधिकच देखणा झाला होता.
जत्रोत्सवाच्या दिवशी ओटी भरण्यासाठी व दर्शनासाठी सुहासिनींची मंदिर परिसरात लांबच लांब रांग लागली होती. सकाळी गावराठी येथील मंदिरात विधिवत पूजन पार पडले. त्यानंतर श्री देव रवळनाथ मंदिरात मानकरी एकत्र येऊन तेथून मानाची परडी (काकडा) पेटवून, वाजत-गाजत मिरवणुकीद्वारे पटकीदेवी मंदिरात आणण्यात आली. यानंतर खोतांच्या मंडळींच्या हस्ते वार्षिक मानाची ओटी विधीपूर्वक भरण्यात आली. दुपारनंतर गावातील तसेच परिसरातील इतर सुहासिनींनी मोठ्या श्रद्धेने ओटी भरण्याचा कार्यक्रम केला. सायंकाळी काकड्याचे नदीत विसर्जन करून या पारंपरिक जत्रोत्सवाची सांगता करण्यात आली. या जत्रोत्सवाला गावराठीचे मानकरी, पेठकरी मंडळी तसेच ग्रामस्थ मोठ्या संख्येने उपस्थित होते.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.