आय.सी.एस.च्या अब्दुल मुकादम याचा २५ हजार चा धनादेश देऊन गौरव

2026-01-10 00:00:00

टाइम्स स्पेशल

खेड – येथील सहजीवन शिक्षण संस्थेच्या आय.सी.एस. कला, वाणिज्य व विज्ञान महाविद्यालयाने बारामती येथील शारदाबाई पवार कला, वाणिज्य व विज्ञान महाविद्यालय येथे झालेल्या करियर कट्टा अंतर्गत ५ दिवसीय राज्यस्तरीय निवासी अधिवेशनात सहभाग घेतला. त्यात २ प्राध्यापिका व ३ विद्यार्थी सहभागी झाले होते. महाविद्यालयाचा विद्यार्थी अब्दुल करीम अली मुकादम याला उत्कृष्ट राज्यस्तरीय पदाधिकारी म्हणून पुणे विद्यापीठाचे प्र.कुलगुरू मा. पराग काळकर यांच्या हस्ते प्रमाणपत्र व रुपये २५ हजार चा धनादेश देऊन गौरवण्यात आले. तसेच साहिल भुवड याने या अधिवेशनात आपला सक्रीय सहभाग दर्शवला.

https://ratnagiritimes.in//assets/images/2020/add/2020/sky22.jpg

तसेच आकांक्षा झोरे हिने अधिवेशनात सहभाग घेऊन स्वयंसिद्धा या उपक्रमात सहभाग घेतला. तसेच प्रा. लीना चिखले व प्रा. सुप्रिया काडगे यांनी अधिवेशन दरम्यान स्वयंसिद्धा उपक्रमात सक्रीय सहभाग घेतला. या यशाबद्दल त्याचे सहजीवन शिक्षण संस्थेचे कार्याध्यक्ष मंगेशभाई बुटाला, महाविद्यालयाच्या विकास समितीचे चेरमन ऍड. आनंदराव भोसले, महाविद्यालयाच्या प्राचार्या तसेच रत्नागिरी जिल्हा करियर कट्टा प्राचार्य प्रवर्तक प्रो. डॉ. अनिता आवटी, महाविद्यालयाचे करिअर कट्टा समन्वयक डॉ. सी. आर. साळुंखे तसेच इतर प्राध्यापक व शिक्षकेतर कर्मचारी यांनी त्यांचे अभिनंदन केले आहे.