तळवडे येथे ३१ लाखांच्या रस्ते कामांचे भूमिपूजन

2026-01-02 00:00:00

टाइम्स स्पेशल

सावंतवाडी (प्रतिनिधी) - आगामी जिल्हा परिषद व पंचायत समितीच्या सार्वत्रिक निवडणुकीचे बिगुल वाजण्यापूर्वीच सावंतवाडी तालुक्यात राजकीय हालचालींना वेग आला आहे. सावंतवाडी तालुका सहकारी खरेदी-विक्री संघाचे अध्यक्ष प्रमोद गावडे यांनी आपल्या कार्यक्षेत्रात विकासकामांचा धडाका लावला असून, त्यांच्या हस्ते तळवडे येथील विविध रस्ते कामांचे भूमिपूजन करण्यात आले. यावेळी सिंधुदुर्ग जिल्हा बँकेचे अध्यक्ष मनीष दळवी आणि भाजपचे आंबोली मंडल अध्यक्ष संतोष राऊळ यांची प्रमुख उपस्थिती होती.

https://ratnagiritimes.in//assets/images/2020/add/2020/sky22.jpg

तळवडे गावातील रस्ते विकासासाठी एकूण ३१ लाख रुपयांचा निधी मंजूर झाला असून, त्याचे विभाजन खालीलप्रमाणे आहे: भवानी मंदिर ते मांजरेकर वाडी रस्ता: १४ लाख रुपये. भाऊचा धक्का ते बादेवाडी रोड: १० लाख रुपये. भाऊचा धक्का ते लोकेवाडी रस्ता: ७ लाख रुपये मंजूर झाले आहेत. या कार्यक्रमाला माजी सभापती पंकज पेडणेकर, तळवडे शक्ती केंद्रप्रमुख शंकर सावंत, आंबोली मंडळ सरचिटणीस दादा परब, ग्रामपंचायत सदस्य जगदीश मांजरेकर, मंगलदास पेडणेकर, नम्रता गावडे, विकास गावडे, सुशांत गावडे, प्रवीण लोके, बाळू साळगावकर, रामा गावडे, दाजी तुळसकर, सुदन मांजरेकर, मयुरी राऊळ (पोलीस पाटील), झिला वेंगुर्लेकर, विनय काणेकर यांच्यासह मोठ्या संख्येने ग्रामस्थ उपस्थित होते. " ग्रामीण भागातील रस्ते आणि मूलभूत सुविधांना प्राधान्य दिले जात असून, मंजूर झालेली ही कामे दर्जेदार आणि वेळेत पूर्ण करण्यावर आमचा भर असेल," असे मत मान्यवरांनी यावेळी व्यक्त केले.