दाभोळ (वार्ताहर) : ए. के. आय. सेमी इंग्लिश हायस्कूल, दाभोळ येथे नुकतेच विज्ञान प्रदर्शन मोठ्या उत्साहात व शिस्तबद्ध वातावरणात पार पडले. या प्रदर्शनामध्ये विद्यार्थ्यांनी विज्ञानातील विविध संकल्पनांवर आधारित नाविन्यपूर्ण व उपयुक्त प्रात्यक्षिके सादर करून उपस्थितांचे लक्ष वेधून घेतले. वाइज खान यांनी कुरआन पठण करून कार्यक्रमाची मंगल सुरुवात केली. या विज्ञान प्रदर्शनासाठी परीक्षक म्हणून दापोली येथील ए. जी. माध्यमिक विद्यालयातील शिक्षक मा. खटाव तसेच लोकमान्य टिळक हायस्कूल दाभोळ येथील शिक्षिका सौ. रोशनी गावडे यांनी उपस्थित राहून विद्यार्थ्यांच्या प्रात्यक्षिकांचे बारकाईने मूल्यमापन केले.
कनिष्ठ गटातील स्पर्धेत कुमार अरफत दर्वेश याने प्रथम क्रमांक पटकावला. द्वितीय क्रमांक कुमारी जोया शेख व फातिमा बामणे यांनी संयुक्तरीत्या मिळवला, तर तृतीय क्रमांक कुमार जिदान बामणे याने प्राप्त केला. वरिष्ठ गटामध्ये कुमारी आशियाना शेख व खातिजा मुगाये यांनी उत्कृष्ट सादरीकरण करून प्रथम क्रमांक मिळवला. द्वितीय क्रमांक कुमारी तैमिना दर्वेश, कुमारी जोहा फडणीस व कुमारी सारा मुजावर यांनी संयुक्तरीत्या पटकावला, तर तृतीय क्रमांक कुमार अनस बामणे व अर्कम मत्रोजी यांनी गौरविण्यात आले. या विज्ञान प्रदर्शनास स्वप्निल घटे, शालेय प्रगत समितीचे सदस्य व माजी विद्यार्थी वाहिद निलिक्कर, सौ. आयेशा निलिक्कर, पालक-शिक्षक संघाच्या अध्यक्षा सौ. रेश्मा मुकादम, उपाध्यक्ष श्री. ममतुले, तसेच मोहम्मद बामणे, तजम्मुल पापा उपस्थित होते. याशिवाय परिसरातील विविध शाळांचे शिक्षक, विद्यार्थी व पालकांनी मोठ्या संख्येने विज्ञान प्रदर्शनास भेट दिली.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.