अजित पवार आणि सुप्रिया सुळे एका मंचावर, NCP चा जाहीरनामा प्रसिद्ध

2026-01-10 00:00:00

टाइम्स स्पेशल

सर्वोच्च न्यायालयाने 2022 पूर्वीच्या परिस्थितीनुसार निवडणुका घेण्याचे निर्देश दिले आहेत. त्यामुळे निवडणूक आयोगाकडून मुंबई महानगरपालिकेसह सर्व पालिकांच्या निवडणुका घेण्याची घोषणा केली आहे. राज्यातील महापालिकेसाठी यंदा 15 जानेवारी 2026 रोजी मतदान आणि 16 जानेवारी रोजी मतमोजणी होणार आहे.

https://ratnagiritimes.in//assets/images/2020/add/2020/sky22.jpg

राज्यातील महानगरपालिकांच्या निवडणुकांची घोषणा झाल्याने सर्व राजकीय पक्ष पूर्ण ताकदीने मैदानात उतरले आहेत. त्यामुळे भाजपा, राष्ट्रवादी, शिवसेना, शिवसेना ठाकरे गट, मनसे, काँग्रेस, राष्ट्रवादी शरद पवार यांच्या पक्षासह सर्व पक्ष आपल्या अधिकृत उमेदवारांच्या प्रचारात रिंगणात उतरले आहे. आता मतदानाला अवघे 5 दिवस बाकी असल्याने राजकीय पक्षांकडून सभांचा धडाका सुरु आहे.

टाइम्स स्पेशल

पुणे महानगर महापालिका निवडणुकांच्या पार्श्वभूमीवर दोन्ही राष्ट्रवादी काँग्रेस पक्षाने पुणे शहरासाठीचा संयुक्त जाहीरनामा आज अधिकृतपणे प्रसिद्ध केला. “स्मार्ट पुणे – सुरक्षित पुणे – समृद्ध पुणे” या संकल्पनेवर आधारित या जाहीरनाम्यात शहराच्या मूलभूत प्रश्नांपासून ते भविष्यातील विकास आराखड्यापर्यंत विस्तृत दृष्टीकोन मांडण्यात आला आहे. उपमुख्यमंत्री अजित पवार, सुप्रिया सुळे आणि खासदार अमोल कोल्हे यांच्या उपस्थितीत जाहीरनामा प्रसिद्ध करण्यात आला आहे.