सावंतवाडी (प्रतिनिधी) - सावंतवाडी तालुका आणि परिसरात गेल्या काही महिन्यांत झालेल्या घरफोड्यांचा छडा लावण्यात पोलिसांना यश आले आहे. कणकवली पोलिसांनी अटक केलेल्या बेळगाव येथील एका सराईत चोरट्याने सावंतवाडीतील तीन मोठ्या चोऱ्यांची कबुली दिली असून, त्याच्याकडून सुमारे ८४ ग्रॅम सोन्याचे दागिने हस्तगत करण्यात आले आहेत. स्थानिक गुन्हे अन्वेषण विभागाने कणकवली येथील चोरीप्रकरणी संतोष रामाप्पा नंजनवार (वय ३४, रा. नेरली, ता. हुकेरी, जि. बेळगाव) याला ताब्यात घेतले होते. तपासादरम्यान त्याने सावंतवाडी पोलीस ठाणे हद्दीत तीन ठिकाणी चोऱ्या केल्याचे मान्य केले. या पार्श्वभूमीवर, सावंतवाडी पोलिसांनी ३० डिसेंबर रोजी त्याला ताब्यात घेतले आणि बुधवारी न्यायालयात हजर केले असता, न्यायालयाने त्याला दोन दिवसांची पोलीस कोठडी सुनावली आहे.
पोलिसांनी दिलेल्या माहितीनुसार, आरोपीने खालील तीन ठिकाणच्या चोऱ्यांची कबुली दिली आहे: नेमळे (ता. सावंतवाडी): २६ सप्टेंबर रोजी मोहनदास खराडे यांच्या घरातून १० तोळे सोने चोरीला गेले होते. या गुन्ह्यात आरोपीकडून ६० ग्रॅम सोने जप्त करण्यात आले आहे. ओटवणे: जुलै महिन्यात रंजना वणेकर यांच्या घरातून ४१ ग्रॅम सोन्याचे दागिने चोरीस गेले होते. याप्रकरणी २० ग्रॅम सोने हस्तगत करण्यात आले आहे. आंबोली: रवींद्र पाटील यांच्या घरात झालेल्या चोरीतील ४ ग्रॅम सोन्याचे दागिने जप्त करण्यात आले आहेत. या गुन्ह्याचा पुढील तपास सहायक पोलीस निरीक्षक जयेश खंदरकर, पीएसआय प्रमोद पाटील आणि पोलीस हवालदार गलोले हे करीत आहेत.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.