तरुणांनी खेळाच्या मैदानात आत्मविश्वास बाळगावा: विक्रांत सावंत

2026-01-20 00:00:00

टाइम्स स्पेशल

सावंतवाडी (प्रतिनिधी) - तरुणांनी खेळ खेळताना मनामध्ये हार-जितीची भीती न ठेवता पूर्ण आत्मविश्वासाने मैदानात उतरावे. खेळ हा प्रेम आणि विश्वासाच्या जोरावर खेळला पाहिजे. खेळाडूंच्या प्रगतीसाठी आणि कोणत्याही मदतीसाठी मी सदैव तुमच्या पाठीशी खंबीरपणे उभा आहे, अशी ग्वाही शिक्षण प्रसारक मंडळाचे अध्यक्ष विक्रांत सावंत यांनी दिली. चराठा येथे आयोजित 'चराठा प्रिमियर लीग' क्रिकेट स्पर्धेला विक्रांत सावंत यांनी सदिच्छा भेट दिली. यावेळी खेळाडूंशी संवाद साधताना ते बोलत होते.

https://ratnagiritimes.in//assets/images/2020/add/2020/sky22.jpg

यावेळी बोलताना सावंत पुढे म्हणाले की, "मैदानी खेळामुळे तरुणांमध्ये शिस्त आणि जिद्द निर्माण होते. जय-पराजय हा खेळाचाच एक भाग आहे, त्यामुळे अपयशाने खचून न जाता सातत्य ठेवणे महत्त्वाचे आहे. तुम्ही जेव्हा हाक द्याल, तेव्हा मी तुमच्या मदतीला हजर असेन." त्यांच्या या शब्दांमुळे उपस्थित खेळाडूंचा उत्साह द्विगुणित झाला. या स्पर्धेच्या निमित्ताने चराठा प्रिमियर लीग मंडळाच्या वतीने विक्रांत सावंत यांचा विशेष सत्कार करण्यात आला. शाल, श्रीफळ आणि पुष्पगुच्छ देऊन त्यांना सन्मानित करण्यात आले. या कार्यक्रमाला स्थानिक ग्रामस्थ, क्रिकेट रसिक आणि मोठ्या संख्येने तरुण खेळाडू उपस्थित होते. स्पर्धेतील चुरशीचे सामने पाहण्यासाठी चराठा परिसरात क्रीडाप्रेमींनी मोठी गर्दी केली होती.