चिपळूण - जिल्हा परिषद पूर्ण प्राथमिक शाळा पालवण नं. १ तालुका चिपळूण या शाळेची विद्यार्थीनी कुमारी अनघा सचिन तांबेकर हिची रत्नागिरी जिल्हा परिषद अंतर्गत जाणूविज्ञान, अनुभवू विज्ञान या उपक्रमाअंतर्गत घेण्यात आलेल्या स्पर्धा परीक्षेमध्ये नासा इस्त्रो (अमेरिका) या आंतरराष्ट्रीय अंतराळ संशोधन संस्थांना भेट व अभ्यास दौर्यासाठी निवड झाली. ही निवड तिच्या बुद्धिमत्ता, कष्ट, चिकाटी व विज्ञानावरील प्रेम व वडिलांचे स्वप्न याचे फलित आहे. अनघा पालवण कॉलेजचे प्राचार्य यांची कन्या आहे. त्यांनी अनघाला इंग्लिश मेडीअममधून मराठी मेडीअम मधील पालवण नं. १ शाळेत दाखल केली. गेले तीन वर्ष पाहिलेले स्वप्न, त्यासाठी त्यांनी घेतलेली मेहनत ही तेवढीच महत्वाची आहे. वर्गशिक्षक यांच्या अनुभवातून व मार्गदर्शनामुळे हे यश अनघा मिळवू शकली. अनघाच्या पुढील शैक्षणिक व वैज्ञानिक वाटचालीसाठी मनःपूर्वक शुभेच्छा देण्यात आल्या. ती भविष्यात निश्चितच देशाचे नाव उज्ज्वल करेल, ही सदिच्छा व्यक्त करण्यात आली. हे संपूर्ण यश तिला मार्गदर्शन करणारे सर्वच शिक्षकवृंद यांना जाते असे तांबेकर सर म्हणाले. तिच्या या यशाबद्दल सर्व स्तरातून तिच्यावर कौतुकाचा वर्षाव होत आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.