संगलट, खेड (प्रतिनिधी) : मुंबई-गोवा राष्ट्रीय महामार्गावरील रायगड जिल्ह्यातील वडखळ पोलीस ठाण्यात घडलेल्या हिंसक घटनेने शहरात खळबळ उडाली आहे. उत्तर प्रदेशातील मच्छटी येथील २८ वर्षीय अनिशकुमार फुल्लन राम याने रागाच्या भरात पोलीस ठाण्यात प्रवेश करून प्रभारी पोलीस निरीक्षकांच्या कानशिलात मारत हाताहात संघर्ष केला. यावेळी शासकीय कर्मचार्यांवर धक्काबुक्की करत सीसीटीव्ही कॅमेरा दगड मारून फोडल्याने पोलीस ठाण्यातील कामकाज काही काळ ठप्प झाले.
याबाबत फिर्यादी पोलीस हवालदार अतिक्षा अतिश गायकवाड यांनी दिलेल्या माहितीनुसार, आरोपी आधारकार्ड हरवल्याच्या तक्रारीबाबत चौकशीसाठी पोलीस ठाण्यात आला होता. आधारकार्ड पोलीस ठाण्यात उपलब्ध नसल्याचे सांगितल्यानंतर आरोपीने बाहेर जाऊन पोलीस ठाण्याच्या गेटवरील सुमारे १ लाख २५ हजार रुपये किमतीचा शासकीय सीसीटीव्ही कॅमेरा दगड मारून फोडत शासकीय मालमत्तेचे नुकसान केले. त्यानंतर आरोपीने प्रभारी पोलीस निरीक्षक संतोष जाधव, फौजदार भाग्यवान कांबळे व पोलीस शिपाई रामनाथ ठाकुर यांच्यावर हल्ला करून शासकीय कामकाजात अडथळा आणला.
आरोपीला १२ जानेवारी २०२६ रोजी अटक करण्यात आली असून, वडखळ पोलीस ठाण्यात गुन्हा क्रमांक ०४/२०२६ अन्वये भारतीय न्याय संहिता २०२३ व सार्वजनिक मालमत्तेचे नुकसान प्रतिबंध अधिनियम १९८४ अंतर्गत गुन्हा दाखल करण्यात आला आहे. या घटनेनंतर पोलीस ठाण्याच्या सुरक्षेबाबत पुन्हा प्रश्नचिन्ह निर्माण झाले आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.