खेड (वार्ताहर) - केवळ पदवी मिळवणे पुरेसे नसून, विद्यार्थ्यांनी स्वतः च्या आवडीचे क्षेत्र ओळखून त्यामध्ये कौशल्य आत्मसात करणे आवश्यक आहे. कॉर्पोरेट क्षेत्र, बँकिंग आणि व्यवस्थापन क्षेत्रातील रोजगाराच्या विविध संधीची माहिती देताना संधी शोधण्यापेक्षा स्वतः ला संधीसाठी पात्र बनवा. हा मोलाचा संदेश अतुल जोशी यांनी विद्यार्थ्यांना दिला. शहराजवळील भरणे येथील तु. बा. कदम महाविद्यालयाच्या सेमिनार हॉलमध्ये दि.१५ जानेवारी २०२६ रोजी सकाळी ९:३० वाजता पार पडलेल्या एकदिवसीय मार्गदर्शन व्याख्यानात अतुल जोशी यांनी विद्यार्थ्यांना हा मोलाचा संदेश दिला आहे. विद्यार्थ्यांना त्यांच्या पदवीनंतरच्या विविध संधींची ओळख व्हावी आणि स्पर्धा परीक्षांच्या जगात आत्मविश्वासाने पाऊल टाकता यावे, या उद्देशाने महाविद्यालयातील IQAC, अर्थशास्त्र आणि इतिहास विभागांच्या संयुक्त विद्यमाने 'करिअर कौन्सिलिंग आणि CET परीक्षा तयारी' या विषयावर एकदिवसीय मार्गदर्शन व्याख्यानाचे आयोजन करण्यात आले होते.
कार्यक्रमाची सुरुवात दीपप्रज्वलनाने आणि सरस्वती पूजनाने करण्यात आली. या प्रसंगी व्यासपीठावर प्रमुख पाहुणे म्हणून अतुल जोशी आणि सौरभ सुभेदार उपस्थित होते. महाविद्यालयाच्या प्राचार्य व्ही.एन. साळुंखे यांनी पाहुण्यांचे स्वागत केले आणि प्रा. व्ही. वाय. चोपडे यांनी आपल्या प्रास्ताविकात या कार्यक्रमाचे महत्त्व विशद केले. अतुल जोशी यांनी 'करिअर कौन्सिलिंग' या विषयावर सखोल मार्गदर्शन केले. या व्याख्यानासाठी विद्यार्थी मोठ्या संख्येने उपस्थित होते. व्याख्यानाच्या शेवटी प्रश्नोत्तराचे सत्र आयोजित करण्यात आले होते.
यामध्ये विद्यार्थ्यांनी स्पर्धा परीक्षांचा ताण कसा हाताळावा, मुलाखतीची तयारी कशी करावी आणि ग्रामीण भागातील विद्यार्थ्यांसाठी उपलब्ध असलेल्या शिष्यवृत्ती योजनांबाबत प्रश्न विचारले. पाहुण्यांनी सर्व प्रश्नांचे अत्यंत समाधानकारक निराकरण केले. प्रा. जयवंत पाताडे यांनी सर्व उपस्थितांचे आभार मानले. महाविद्यालयातील शिक्षकवृंद आणि शिक्षकेतर कर्मचाऱ्यांच्या सहकार्यामुळे हा कार्यक्रम यशस्वीरित्या मोठ्या उत्साहात पार पडला.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.