खेड (प्रतिनिधी) - प्राथमिक शिक्षण विभाग जिल्हा परिषद, रत्नागिरी जिल्हा समाज कल्याण विभाग,जिल्हा दिव्यांग सक्षमीकरण विभाग जि.प. रत्नागिरी. सन - २०२५-२६ दिव्यांग खेळाडूंच्या जिल्हास्तरीय क्रीडा स्पर्धा दि.१२ जानेवारी २०२६ रोजी श्री. विठ्ठलराव जोशी चॉरिटेबल ट्रस्टचे क्रीडा संकुल, डेरवण येथे आयोजित करण्यात आल्या होत्या. स्पर्धेच्या उद्घाटन समारंभास राज्य, राष्ट्रीय, आणि आंतरराष्ट्रीय क्रीडा स्पर्धेत विविध पारितोषिके व विविध क्रीडा पुरस्कार मिळवलेले रत्नागिरी जिल्ह्यातील दिव्यांग खेळाडूंचे प्रेरणास्थान आंतरराष्ट्रीय दिव्यांग खेळाडू प्रशांत महेंद्र यांना, व राष्ट्रीय खेळाडू जनार्दन तुकाराम पवार यांना समाज कल्याण विभाग जिल्हा परिषद रत्नागिरी, जिल्हा दिव्यांग सक्षमीकरण विभाग रत्नागिरी यांच्यावतीने विशेष आमंत्रित करण्यात आले होते.
खेळाडूंना मार्गदर्शन करताना सामाजिक स्तरावरून कर्तव्य म्हणून प्रत्येक व्यक्तीने दिव्यांग खेळाडूंचा आदर करा, त्यांना प्रोत्साहन द्या. खेळाडूंनी नियमित खेळाच्या मैदानावर उपस्थित राहून सराव करावा तालुका तसेच जिल्हास्तरीय विविध क्रीडा स्पर्धांमध्ये सहभागी होऊन राज्य, राष्ट्रीय क्रीडा स्पर्धेत देखील उत्कृष्ट खेळाचे प्रदर्शन करावे, या करिता खेळाडूंच्या पालकांनी क्रीडा प्रशिक्षकांनी देखील विशेष लक्ष देऊन त्यांचे मनोबल वाढवावे तरच अधिक चांगले खेळाडू घडतील. येणाऱ्या काही वर्षात हेच रत्नागिरी जिल्ह्यातील दिव्यांग खेळाडू आंतरराष्ट्रीय क्रीडा स्पर्धेत नक्कीच सहभागी होतील. असे मत प्रशांत सावंत यांनी व्यक्त केले.
या स्पर्धेच्या उद्घाटन समारंभास वैदही रानडे मुख्य कार्यकारी अधिकारी जिल्हा परिषद रत्नागिरी, दिपक घाटे समाज कल्याण अधिकारी, सुनिता शिरभाते जिल्हा दिव्यांग सक्षमीकरण अधिकारी, जिल्हा क्रीडा अधिकारी विजय शिंदे, श्रीकांत पराडकर, हर्षल रसाळ, दीपक आंबवले, रत्नागिरी जिह्यातील दिव्यांगाच्या विविध शाळांचे संचालक, शिक्षक, खेळाडू आदी मान्यवर उपस्थित होते.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.