लांजा नगरपंचायतीच्या उपनगराध्यक्षपदी मंगेश लांजेकर यांची निवड होणार

2026-01-15 00:00:00

टाइम्स स्पेशल

लांजा (संतोष कांबळे) :- लांजा नगरपंचायतीच्या उपनगराध्यक्षपदासाठी १६ जानेवारीला म्हणजेच उद्या निवडणूक होणार असून उपनगराध्यक्षपदी मंगेश काशिनाथ लांजेकर यांची वर्णी लागेल असे खात्रीशीर वृत्त आहे. लांजा नगरपंचायतीची सार्वत्रिक निवडणूक गेल्या महिन्यात पार पडली.आमदार किरण सामंत यांच्या नेतृत्वाखाली शिवसेना (शिंदे) व भाजपा महायुतीच्या पॅनेलला नगरपंचायतीची सत्ता मिळाली.एक जानेवारीपासून नवीन नगराध्यक्ष सावली सुनिल उर्फ राजू कुरूप यांनी पदभार स्वीकारला. त्यांनी नगरपंचायतीची सूत्रे स्वीकारताच शहराचा कारभार पाहण्यास सुरुवात केली.

https://ratnagiritimes.in//assets/images/2020/add/2020/sky22.jpg

त्यानंतर आता उपनगराध्यक्षपदासाठी १६ रोजी निवडणूक होत आहे.नगरपंचायतीमध्ये अपक्ष निवडून आलेल्या नगरसेवकांपैकी बहुतांश नगरसेवकांनी आमदार किरण सामने यांचे नेतृत्व स्वीकारले आहे.त्यामुळे उपनगराध्यक्षपद मंगेश काशिनाथ लांजेकर यांना द्यायचे नक्की झाले असून १६ रोजी ते लांज्याचे उपनगराध्यक्ष होतील असे समजते. दरम्यान स्वीकृत नगरसेवक म्हणून शहरप्रमुख सचिन डोंगरकर (कुवे ) व दुर्वा प्रसाद भाईशेट्ये (लांजा) यांना संधी मिळेल अशी चर्चा आहे दुर्वा भाईशेट्ये यांचे नाव नगराध्यक्ष पदाच्या उमेदवार म्हणून चर्चेत होते.पण त्यांनी आमदार सामंत यांच्या सूचनेनुसार रिंगणातून माघार घेतली होती. त्यामुळेच त्यांना स्वीकृत नगरसेवक म्हणून संधी मिळेल असे सांगण्यात येत आहे.