दानशूर भागोजीशेठ कीर यांचे दातृत्व प्रेरणादायी : सौ. शिल्पाताई सुर्वे

2026-01-18 00:00:00

टाइम्स स्पेशल

रत्नागिरी - एकमुखी दत्तमंदिर भजन मंडळ मठ घुडे वठार रत्नागिरी व रत्नागिरी भजन सांप्रदायिक मंडळ यांच्यावतीने मासिक शिवरात्री व धर्मवीर संभाजी महाराज राज्यभिषेक दिनाचे औचित्य साधून दानशूर भागोजीशेठ किर यांनी बांधलेल्या आणि स्वा.वि.दा.सावरकर यांनी प्रेरणा दिलेल्या सर्व धर्मियांना खुले असाणार्‍या रत्नागिरी पतित पावन मंदिर येथे भजनाचा जागर व रत्नागिरी शहरातील सर्व नगरसेवकाचा सत्कार सोहळा नगराध्यक्षा सौ.शिल्पाताई सुर्वे, उपनगराध्यक्ष समिर तिवरेकर, साईनाथ नागवेकर, सुदेशबुवा नागवेकर आणि सर्व मान्यवरांच्या उपस्थितीत संपन्न झाला.

https://ratnagiritimes.in//assets/images/2020/add/2020/sky22.jpg

यावेळी रत्नागिरी शहराच्या प्रथम नागरीक नगराध्यक्षा सौ.शिल्पाताई सुर्वे यांनी पतितपावन मंदिरात जावून दर्शन घेतले व प्रांगणातील दानशूर भागोजीशेठ कीर यांच्या पुतळ्याला पुष्पहार अर्पण केला. त्यानंतर भजनी महिलांनी सर्व नगरसेविका व नगरसेवक यांचे औक्षण करून सर्वाचे स्वागत केले. दानशूर भागोजीशेठ कीर यांना वंदन करताना त्यांनी केलेले दातृत्व हे खूप मोठे व प्रेरणादायी आहे आणि म्हणूनच या रत्नागिरी शहरातील विकासासाठी आम्ही सर्व नगरसेवक त्यांचा हा गुण घेवूनच सेवा देण्याचा प्रयत्न नक्कीच करु, असे उद्गगार सौ.शिल्पाताई सुर्वे यांनी काढले. यावेळी सर्व नगरसेवकांचा सत्कार शाल, श्रीफळ व सोनचाफा झाड देवून करण्यात आला. रत्नागिरीतील सर्व जातीतील ज्ञाती बांधव, भगिनी व शेकडो भजनी कलाकार उपस्थित होते.