आय.सी.एस. महाविद्यालयामध्ये युवा दिनानिमित्त ज्वेलरी मेकिंग कार्यशाळा संपन्न

2026-01-14 00:00:00

टाइम्स स्पेशल

खेड - येथील सहजीवन शिक्षण संस्थेच्या आय.सी.एस. महाविद्यालय येथे आय.क्यू.ए.सी. आणि महिला विकास कक्ष यांच्या संयुक्त विद्यमाने प्रकृती फाउंडेशन पुणे द्वारा दिनांक 12 जानेवारी 2026 रोजी युवा दिनानिमित्त महाविद्यालयातील विद्यार्थ्यांच्या कौशल्य विकासासाठी ज्वेलरी मेकिंग कार्यशाळेचे आयोजन करण्यात आले होते. या कार्यशाळेसाठी प्रकृती फाउंडेशन पुणे येथील मिलन जंगम तसेच श्राव्या जंगम उपस्थित होत्या. त्यांनी सहभागींना ज्वेलरी मेकिंगचे प्रशिक्षण दिले. या प्रशिक्षणामध्ये महाविद्यालयाच्या एकूण ४१ विद्यार्थ्यांनी सहभाग घेऊन सक्रिय प्रशिक्षण पूर्ण केले.

https://ratnagiritimes.in//assets/images/2020/add/2020/sky22.jpg

प्रशिक्षण पूर्ण झाल्यावर विद्यार्थ्यांनी थोड्याशा अवधीतच प्रशिक्षणातून घेतलेल्या कौशल्याचा वापर करून सुरेख असे दागिने तयार केले. याप्रसंगी सहभागीना सहभाग प्रमाणपत्र देऊन गौरवण्यात आले. महाविद्यालयाच्या वतीने प्राचार्या प्रो. डॉ. अनिता आवटी यांनी प्रकृती फाउंडेशनच्या प्रशिक्षिका मिलन जंगम यांचे शाल, पुष्पगुच्छ व स्मृतिचिन्ह देऊन आभार व्यक्त केले. त्यावेळी जंगम यांनी प्रकृती फाउंडेशनच्या वतीने प्राचार्या प्रो. डॉ. अनिता आवटी यांना शाल आणि ग्रंथ भेट दिली.

टाइम्स स्पेशल

या कार्यशाळेच्या यशस्वीतेसाठी महिला विकास कक्षाच्या प्रा. राखी शेठ, प्रा. सुप्रिया गुहागरकर, प्रा. तेजल बडबे, तसेच महाविद्यालयाचा जी.एस. आदित्य मोहिते, एन.एस.एस. विभागाचे स्वयंसेवक तसेच प्राध्यापक वर्ग, शिक्षकेतर कर्मचारी यांनी मोलाचे सहकार्य केले. कार्यक्रमाचे आभार प्रदर्शन डॉ. आर. एस. भालेराव यांनी केले तर सूत्रसंचालन महिला विकास कक्षाच्या समन्वयक प्रा. मेघना कांबळे यांनी केले.