.jpg)
सावंतवाडी (प्रतिनिधी) - येथील कामतनगर परिसरात राहणाऱ्या आणि मूळच्या नेमळे-फौजदारवाडी येथील जतीन प्रशांत राऊळ (वय १५) या इयत्ता दहावीतील विद्यार्थ्याने शुक्रवारी एका खोलीत गळफास लावून आत्महत्या केली. जतीन हा एक उमदा खेळाडू आणि अभ्यासू विद्यार्थी असल्याने त्याच्या या टोकाच्या पावलामुळे सावंतवाडी आणि नेमळे परिसरात हळहळ व्यक्त होत आहे. जतीन हा स्वभावाने अत्यंत मनमिळाऊ होता. अभ्यासासोबतच क्रीडा क्षेत्रातही त्याने आपली वेगळी ओळख निर्माण केली होती. कबड्डीमधील त्याच्या उत्कृष्ट कामगिरीबद्दल सिंधुदुर्ग जिल्हा क्रीडा अधिकाऱ्यांच्या हस्ते त्याचा गौरव करण्यात आला होता. विशेष म्हणजे, अलीकडेच त्याची राज्यस्तरीय कबड्डी स्पर्धेसाठी निवड झाली होती. खेळाव्यतिरिक्त त्याला कलेचीही आवड होती; फौजदारवाडी येथील भजन मंडळात तो उत्तम पखवाज वादन करत असे.
सर्वच क्षेत्रात चमकत असलेल्या जतीनने अचानक आत्महत्येसारखे टोकाचे पाऊल का उचलले, याचे कारण अद्याप समजू शकलेले नाही. शुक्रवारी ही घटना उघडकीस आल्यानंतर परिसरात खळबळ उडाली. शनिवारी सकाळी त्याचे पार्थिव सावंतवाडीहून नेमळे-फौजदारवाडी येथे आणण्यात आले. नेमळे येथील स्मशानभूमीत जतीनवर अंत्यसंस्कार करण्यात आले. यावेळी शाळेचे मुख्याध्यापक, सर्व शिक्षक, शिक्षणाधिकारी, माजी पंचायत समिती सदस्य रुपेश राऊळ, नेमळे गावचे सरपंच, उपसरपंच आणि ग्रामस्थ मोठ्या संख्येने उपस्थित होते. आपल्या एका अष्टपैलू विद्यार्थ्याला आणि गावातील लाडक्या सुपुत्राला निरोप देताना सर्वांचेच डोळे पाणावले होते. जतीनच्या पश्चात आई, वडील, छोटी बहीण, आजी, काका-काकी आणि चुलत भावंडे असा मोठा परिवार आहे.
दरम्यान पोलीस निरीक्षक अमोल चव्हाण यांना संपर्क साधला असता ते म्हणाले, मोबाईल घेऊन दिला नाही म्हणून त्यांने असे पाऊल उचलले आहे, असे कुटुंबीयांनी प्राथमिक चौकशीत म्हटले आहे असे बोलताना सांगितले.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.