माळी समाजाच्या २०२६ सामाजिक दिनदर्शिकेचे पनवेल येथे दिमाखात प्रकाशन

2026-01-15 00:00:00

टाइम्स स्पेशल

खेड : माळी समाजाच्या सामाजिक, सांस्कृतिक आणि शैक्षणिक प्रगतीला दिशा देणाऱ्या सन २०२६ दिनादर्शिकेचे प्रकाशन नुकतेच कामोठे, पनवेल येथे उत्साहपूर्ण वातावरणात पार पडले. ही दिनदर्शिका विघ्नहर्ता युवा प्रतिष्ठान (मुंबई–खेड–चिपळूण) यांच्या वतीने तयार करण्यात आली आहे. या दिनदर्शिकेमध्ये माळी समाजातील विविध कर्तृत्ववान व्यक्ती, उद्योजक, सामाजिक कार्यकर्ते तसेच उल्लेखनीय उपक्रमांना सन्मानाने स्थान देण्यात आले आहे. समाजातील एकतेचे दर्शन घडविणारा आणि भावी पिढीसाठी दिशादर्शन करणारा हा उपक्रम असल्याचे मत उपस्थित मान्यवरांनी व्यक्त केले.

https://ratnagiritimes.in//assets/images/2020/add/2020/sky22.jpg

या कार्यक्रमाला समाजातील ज्येष्ठ नागरिक, युवक, महिला आणि लहान मुले मोठ्या संख्येने उपस्थित होते. यावेळी प्रतिष्ठानचे उपाध्यक्ष सुशांत हुंबरे यांनी संस्थेच्या ११ वर्षांच्या सामाजिक कार्याचा प्रेरणादायी प्रवास उपस्थितांसमोर मांडला. प्रसंगी प्रतिष्ठानचे अध्यक्ष सचिन पवार, सल्लागार संजय पवार तसेच समाजातील ज्येष्ठ मान्यवर वसंत पवार, मनोहर पवार, विलास पवार, संतोष पवार, अशोक पवार आणि विलास माळी यांच्या हस्ते दिनदर्शिकेचे अधिकृत प्रकाशन करण्यात आले. उपस्थित समाजबांधवांनी या उपक्रमाचे भरभरून कौतुक करत प्रतिष्ठानच्या पुढील कार्यासाठी शुभेच्छा दिल्या.

टाइम्स स्पेशल

या सोहळ्यास प्रतिष्ठानचे खजिनदार निलेश पवार, रितेश पवार, कार्यकारिणी सदस्य नितीन पवार, रामदास पवार, सुधीर माळी तसेच सदस्य अनंत हुंबरे, साहिल हुंबरे, अनिल पवार, राकेश पवार आदी मान्यवर उपस्थित होते. सर्वांच्या सहकार्यामुळे हा कार्यक्रम यशस्वीरीत्या पार पडला. ही सामाजिक दिनदर्शिका माळी समाजाच्या एकतेचे प्रतीक ठरण्यासोबतच समाजकार्य, प्रेरणा आणि मार्गदर्शनाचे प्रभावी माध्यम ठरेल, असा विश्वास यावेळी उपस्थितांनी व्यक्त केला.