कणकवली नगरपंचायतीच्या उपनगराध्यक्षपदी शहर विकास आघाडीचे सुशांत नाईक

2026-01-13 00:00:00

टाइम्स स्पेशल

कणकवली (प्रतिनिधी)- कणकवली नगरपंचायतच्या उपनगराध्यक्ष पदाच्या निवडणुकीत अखेर कणकवली शहर विकास आघाडीचे उमेदवार सुशांत श्रीधर नाईक हे 10 मते घेत विजयी ठरले आहेत. भाजपाचे 9 नगरसेवक यांनी उमेदवार राकेश बळीराम राणे यांच्या बाजूने हात वर करून मतदान केले. शहर विकास आघाडीचे उमेदवार सुशांत नाईक यांच्या बाजूने 8 नगरसेवक तर नगराध्यक्षांनी नगरसेवक म्हणून 1 मत दिल्यावर 9 मते झाली. त्यानंतर समसमान मतदान झाल्यावर नगराध्यक्ष संदेश पारकर यांनी आपले नगराध्यक्ष म्हणून असलेले निर्णायक मत सुशांत नाईक यांच्या बाजूने दिले.

https://ratnagiritimes.in//assets/images/2020/add/2020/sky22.jpg

त्यामुळे सुशांत नाईक यांना एकूण 10 मते तर राकेश राणे यांना 9 मते मिळाली. त्यामुळे कणकवली नगरपंचायतीच्या उपनगराध्यक्षपदी सुशांत नाईक विराजमान झाले. तर स्वीकृत नगरसेवक म्हणून शहर विकास आघाडीच्या वतीने सत्यजित उर्फ बाळू पारकर यांची तर भाजपाच्यावतीने माजी उपनगराध्यक्ष गणेश उर्फ बंडू हर्णे यांची निवड जाहीर करण्यात आली.

टाइम्स स्पेशल

नवनिर्वाचित उपनगराध्यक्ष सुशांत नाईक यांनी यांचे नगराध्यक्ष संदेश पारकर, मुख्याधिकारी गौरी पाटील यांच्यासह पदाधिकाऱ्यांनी स्वागत केले. यावेळी सभागृहात शहर विकास आघाडीचे नगरसेवक जयेश धुमाळे, संकेत नाईक, दीपिका जाधव, जाई मुरकर, सुमेधा अंधारी, लुकेश कांबळे, रुपेश नार्वेकर, उपनगराध्यक्षपदाचे उमेदवार सुशांत नाईक, भाजपाच्या नगरसेवक प्रतीक्षा सावंत, सुप्रिया नलावडे, आर्या राणे, मेघा सावंत, मनस्वी ठाणेकर, मेघा गांगण, राकेश राणे, संजय कामतेकर, स्वप्निल राणे, स्वीकृत नगरसेवक बाळू पारकर, बंडू हर्णे आदि उपस्थित होते.