.jpg)
खेड (प्रतिनिधी) - खेड नगरपरिषदेच्या विविध विषय समित्यांच्या सभापती व स्थायी समिती सदस्यांची निवडणूक प्रक्रिया सत्ताधारी महायुतीकडून बिनविरोध पार पडली. शिवसेना व भारतीय जनता पार्टी यांच्या नेतृत्वाखाली ही निवडणूक प्रक्रिया बिनविरोध पूर्ण झाली. यामध्ये स्वच्छता, वैद्यकीय व सार्वजनिक आरोग्य समितीच्या सभापतीपदी तौसिफ खोत यांची निवड करण्यात आली आहे. या समितीवर संजना कुडाळकर, संजय मोदी, प्रेमल चिखले यांच्यासह रहिम सहीबोले यांची नियुक्ती करण्यात आली आहे. तर खेड नगर परिषदेचे उपनगराध्यक्ष सतीश चिकणे यांच्याकडे पाणीपुरवठा समितीची धुरा सोपवली असून पाणीपुरवठा व जलनिस्सारण समितीच्या सभापतीपदी बिनविरोध निवड करण्यात आली आहे.
शहरातील अत्यंत महत्त्वाच्या मानल्या जाणाऱ्या या समितीची जबाबदारी उपनगराध्यक्षांकडे देण्यात आल्याने पाणीपुरवठा, गटार व्यवस्था व जलनिस्सारणाशी संबंधित प्रश्नांना प्राधान्य दिले जाईल, अशी अपेक्षा आता सर्वसामान्य नागरिकांमधून व्यक्त केली जात आहे. या समितीवर प्रेमल रवींद्र चिखले, आरिफ मुल्लाजी, नीता आंब्रे व वैभवी वैभव खेडेकर यांची निवड करण्यात आहे. सार्वजनिक बांधकाम समितीच्या सभापतीपदी विजयाची हॅट्रिक करून सलग चौथ्यांदा नगरसेवक झालेले सुनील बाबुराव दरेकर यांची निवड करण्यात आली आहे. समितीवर संजय मोदी, अंजुमा जबीर कुरणे, गटनेते निकेतन पाटणे व वैभवी वैभव खेडेकर या जबाबदारी सांभाळणार आहेत. महिला व बालकल्याण समितीच्या सभापतीपदी रसिका रोहिदास खेडेकर यांची बिनविरोध निवड झाली असून उपसभापतीपदी वर्षा तुषार सापटे यांची नियुक्ती करण्यात आली आहे. समिती सदस्य म्हणून दीप्ती शिगवण, मिनार चिखले व स्वप्नाली चव्हाण यांची निवड झाली आहे.
शिक्षण, क्रीडा व सांस्कृतिक कार्य समितीच्या सभापतीपदी भूषण दत्ताराम चिखले यांची निवड करण्यात आली असून या समितीवर रेश्मा खातिब, स्वप्नील सैतवडेकर, आरिफ मुल्लाजी व रहिम युसुफ सहीबोले यांची नियुक्ती करण्यात आली आहे. खेड नगरपरिषदेतील विषय समित्यांची ही निवडणूक प्रक्रिया सत्ताधारी महायुतीच्या एकीचे दर्शन घडवणारी ठरली असून सर्व पदांवर बिनविरोध निवड झाल्याने राजकीय वर्तुळात समाधान व्यक्त करण्यात येत आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.