लांजा (वार्ताहर) - महावितरणतर्फे लावण्यात येणाऱ्या स्मार्ट मीटर विरोधात आज लांजा तालुका शिवसेनेने जाब विचारला. लोकांची तक्रार नसताना अगदी घरी कुणीही नसताना जूने मीटर बदलण्याचा भीम पराक्रम महावितरणद्वारे करण्यात आल्याच्या तक्रारी ग्राहकांनी शिवसैनिकांकडे केल्यानंतर शिवसैनिक शहर प्रमुख मोहन तोडकरी यांच्या नेतृत्वाखाली लांजा महावितरणच्या कार्यालयावर धडकले.
वारंवार नेत्यांनी पत्रव्यवहार करून देखील महावितरण स्मार्ट मीटर का लावत आहे, यासंदर्भात विचारणा केली. स्मार्ट मीटर संबंधात शासनाची वारंवार बदलणारी भूमिका पाहता, "आपली ही गळचेपी भूमिका खपउन घेतली जाणार नाही" असे युवा तालुका अधिकारी अभिजीत राजेशिर्के यांनी ठणकावून सांगितले. लवकरात लवकर स्मार्ट मीटर संदर्भात जनसुनावणी घ्यावी, नाहीतर मीटर ची होळी करणार असल्याची भूमिका शिवसैनिकांनी घेतली.
चर्चेनंतर महावितरणने लवकरच जनसुनावणी घेण्याचे आश्वासन दिले. आश्वासनाची अंमलबजावणी होईपर्यंत तक्रारीशिवाय कुणाचेही मीटर बदलू नये असे शिवसेनेतर्फे सांगण्यात आले. यावेळी शहर प्रमुख मोहन तोडकरी, युवा अधिकारी अभिजीत राजेशिर्के, पिंट्या लिंगायत, जेष्ठ कार्यकर्ते बाबू गुरव, सुजित भुर्के, बाबा धावणे व पदाधिकारी हजर होते.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.