.jpg)
संगलट (खेड)(इक्बाल जमादार) - दापोली तालुक्यातील प्रसिद्ध आणि औषधी गुणधर्मांसाठी ओळख असलेलं उन्हवरे गरम पाण्याचं कुंड सध्या अत्यंत दयनीय अवस्थेत आहे. कुंड परिसरात कचरा साचलेला असून शेवाळामुळे पाणी आणि पायर्या निसरड्या झाल्या आहेत. कुंडावरील कौलारू छप्पर मोडकळीस आलेलं असल्याने कोणत्याही क्षणी दुर्घटना घडण्याची शक्यता नाकारता येत नाही. मात्र, याकडे संबंधित यंत्रणांनी लक्ष देणे गरजेचे आहे. स्थानिक ग्रामस्थांनी वेळोवेळी प्रशासनाकडे तक्रारी करूनही कोणतीही ठोस कारवाई झालेली नाही त्यामुळे नागरिकांमधून नाराजीचा सूर उमटत आहे. अस्वच्छतेमुळे पर्यटकांच्या आरोग्यावर गंभीर परिणाम होण्याची शक्यता असून, पर्यटनाच्या नावाने ओळख असलेल्या दापोली तालुक्याच्या प्रतिमेलाही याचा फटका बसत आहे. पर्यटक येथे येतात, मात्र मूलभूत सुविधा, स्वच्छता व सुरक्षिततेचा अभाव स्पष्टपणे जाणवतो. नैसर्गिक ठेव्याचा र्हास थांबवण्यासाठी, नैसर्गिक वारसाचं जतन करण्यासाठी प्रशासनाने उन्हवरे गरम पाण्याच्या कुंडाची तात्काळ स्वच्छता, दुरुस्ती व देखभाल करण्याची जोरदार मागणी स्थानिक नागरिकांकडून होत आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.